Hoe dat grave Willem een ander wijf nam uut Engelant, ende hoe hi corts daernae starf.
Dat XI capitel.
Ende als vrouwe Alijt, dye graefinne van Hollant, gestorven was, nam grave Willem een ander wijf, genoemt Marie, ende was hertoge Ethmonts dochter van Lancaster, coninck Henricxs die derden zoen; mer si en hadden geen kinder te samen. Ende grave Willem is onlanxs hierna gestorven in den jare Ons Heren M II C ende XXIII, als hi de graeflicheit van Hollant ende Zeelant hadde berecht XIX jaer ende die graefscap van Oest-Vrieslant XXVI jaer, ende wert mit wenender uutvaert ende betaemeliker feeste tot Reinsburch int cloester bi sinen wive Alijt, de graefinne, begraven.
Auteursrechtelijk beschermd