Van biscop Willem van Mechelen, die XLI biscop van Uutrecht.
Dat derde capitel.
In den jaer Ons Heren dusent CC XCVI worde here Jan van Zyric, biscop van Uutrecht, overmits pauselicker macht geset van Uutrecht, ende worde ghemaect ende geset biscop te wesen te Tullien in Vrancrijc, als hi IX jaer dat bisdom van Uutrecht hadde berecht. Ende daer worde weder geset ende geordineert te wesen de XLI biscop van Uutrecht here Willem van Mechelen, die langhe te Romen hadde gestaen ende van des paeus weghen een president int recht geseten hadde. Ende comende tot Uutrecht is hi mit groter eren ontfangen.
Auteursrechtelijk beschermd