Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

Van een mirakel dat doe binnen Leyden gheschiede aen broot.
Dat IX capitel.

Daer was op dese tijt een vrouwe binnen Leyden, die groten honger leet, ende quam tot

[p. 197v]

haer eygen suster, begerende broot van hair te hebben. Haer suster seyde, dat si alsoe veel als een broot niet in haer huis en hadde. Daer dye ander op seyde: 'Mijn alrelyefste suster, ic weet sekerliken dat ghi broot in u huys hebt.' Mer si sloot haer bermhertighe handen ende seide: 'Is daer enich broot in mijn huys, God geve dattet stenen worde'; datwelke doer de verhengenissen Goods alsoe is gesciet; want alle dat broot dat si in haer huys hadde, worde verwandelt in harde stenen, van denwelke noch een leit binnen Leyden in Sinte Peters kerck in een kasgen an die noortside van der kercken op desen tegenwoerdigen dach.