Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

Van een grote haestige wint.
Dat XXV capitel.

Omtrent dese tijt, als op Sinte Simon ende Judas der apostelen dach, omtrent Vespertijt, quam³⁸⁰ ende stont op also groten ende scielycken wint tot veel plaetsen in der werlt, datter veel kercken, cloesteren, sloten, husen ende andere tymmeraetsen ter neder vielen ende waeyden. Ende dat loot, daer dye husen ende kercken mede ghedect waren, waeyde seer verde van der kerken; mer dese wint en duerde nyet lang.

380 quan AB.