Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

Van here Jan van Vernenburch die XLVIII biscop van Uutrecht.
Dat XII capitel.

[p. 224v]

Daerna, int jaer M CCC ende LXIIII, so heeft Urbanus, die paeus, die V, genomen heere Engbrecht van der Marck, biscop van Ludick, ende sette hem te wesen bisscop van Coellen; ende hi nam here Jan van Arckel, bischop van Uutrecht, ende setten hem weder bischop tot Ludick, als hi dat bisdom strengelic mit groten oerlogen XXII jaer lanc had berecht; ende hi nam weder here Jan, des graven soen van Vernenburch, die biscop tot Munster was, ende setten tot Uutrecht. Ende here Jan van Vernenburch is ghecomen tot Uutrecht opten VIII dach van september, ende is mit groter eren ende solemniteiten geset ende gemaect die XLVIII biscop van Uutrecht. Dese eerwaerdighe biscop vant alle sine steden, sloten ende castelen vervolt van allen dingen die hem van node waren, die welke sine voirsaet mit groter nairstichheit ende voersichticheyt overvloedelijck hadde doen versien tegen alle sine omgelegen vianden ende rebellen