Skiplinks

  • Tekst
  • Verantwoording en downloads
  • Doorverwijzing en noten
DBNL Logo
DBNL Logo

Hoofdmenu

  • Literatuur & Taal
    • Auteurs
    • Beschikbare titels
    • Literatuur
    • Taal
    • Limburgse literatuur
    • Friese literatuur
    • Surinaamse literatuur
    • Zuid-Afrikaanse literatuur
  • Selecties
    • Onze kinderboeken
    • Basisbibliotheek
    • Tijdschriften/jaarboeken
    • Naslagwerken
    • E-books
    • Publiek Domein
    • Calendarium
    • Atlas
  • Gebruiksvoorwaarden
    • Hergebruik
    • Disclaimer
    • Informatie voor rechthebbenden
  • Over DBNL
    • Over DBNL
    • Contact
    • Veelgestelde vragen
    • Privacy
    • Toegankelijkheid
  • Verantwoording
  • Inhoudsopgave

Downloads

PDF van tekst (7,69 MB)






Editeur
Aarnoud de Hamer



Genre
non-fictie

Subgenre
kroniek
non-fictie/geschiedenis-archeologie


© zie Auteursrecht en gebruiksvoorwaarden.

 

Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

(2011)–Cornelius Aurelius

Vorige Volgende

Hoe dat heer Boudewijn die bastert weder in dye gracye quam van sinen broeder hertoge Kaerle.
Dat LXXXII capitel.

Als nu dit bestant in allen landen publiceert ende gecondicht was, als voorscreven is, so waren dair vele luden of verblijt, alst wel reden gaf; ende waren der oec vele die hem des bedroefden; want dair waren vele heren ende andere capiteinen uut Francrijke tot achterdele van den coninc hem onthouwende by den hertoghe, de allegader meest gevangen ende gedoot werden; ende dijergeliken wasser vele by den coninc onthouden tot scade ende achterdele van den hertoge, die hi oec alle dede vanghen, onder215 welken dat was here Baldewijn, dye bastert, des hertogen broeder; ende had omtrent vijf jaren bi den coninc gheweest, ende deden vast bi den anderen ghevanghen leggen. Die bastert was bedroeft, ende sorchde sere dat hi mede, geliken die andere, ter justicien geset soude werden, ende heeft naerstelic gedocht ende subtijllicken overgeleit, hoe hi best uut deser vangenisse comen soude; ende is ten lesten doir subtijle ende cloecke anslagen ende scoen reden uuter vangenis gelaten mit meer andere, ende is gecomen in Brabant, tot Mechelen, verwachtende lyever dye gracie ende ghenade sijns broeders, des hertogen, dan des coninc justicye over sijn lijf. Ende als hi een wijl tijts openbaerlic hem ge-

[p. 359r]

216 houden hadde voer allen man, die heren van den Perlamente verwonderde sere, ende vraechden hoe hi soe vermetel ende presumptuoes ware te comen in des princen landen ende steden, gemerct dat die prince, sijn broeder, hem so suspect ende voir sijn viant houwende was. 'Ick kent', sprac hi, 'mer daerom gae ic openbaer, om mi te ostenderen ende minen broeder te onderwisen dat ic der saken inculpabel ende onsculdich bin, die men mi inputeert ende opseyt.' Opdat dan die hertoge geen accusacie van negligencie tegen den heren van den Perlamenten nemen soude, so deden si den voorscreven heren Boldewijn antasten ende lieten hem gevangen ende vast leggen op tcasteel tot Vilvorden, ende lieten den hertoge, op die tijt int lant van Lottringen wesende, dese sake weten. Ende corts dairna deden die hertoge by hem comen om sine excusatye te anhoren, die hi bi soude konnen brenghen. Ende dede sine relacie ende excusatien also heerlicken ende vierlicken, dat se die hertoge ontfing, ende nam hem op in sijnre gracien ende genaden.

215
ander AB.
216
CCC LX AB.

Vorige Volgende