Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

Van tgeen dat Jan van Boschusen mit die geestelicheit van Hollant tracteerde.
Dat XC capitel.

In desen selven jare van LXXVI, in die anderde weke van der Vasten, is in Den Hage gecomen Jan van Boschusen, geboren van Leiden, ende was des hertogen camerlinc, ende was die alre wreetste ende stoutste van allen anderen dier geweest waren. Ende was gesonnen van den meesters van der financien, om te executeren dye scattinge van der geestelicheit. Ende heeft sine boden gesonnen an die geestelike personen, ende dede se verdachvaerden voir hem te comen in Den Hage; ende dair vergadert wesende in presencie²³⁷ van meester Jan van Halewijn, president, ende Adriaen Drabbe, procuroer generael, mit meer andere van den heren van den Rade van Hollant, sprac die voorscreven Jan van Boschusen aldus: 'Laten hem die geestelike personen van Hollant wel beraden, wat si willen doen in die sake die hem in langen tiden te voren geleyt is geweest; want alsnu heb ic auctoriteyt, moet ende wille te vangen die geestelicheden van Hollant, tensi dat si willichliken geven die exactie. Ende wilt niet dencken ende voer u nemen dat yemants van u allen mit enige rechten ende loyen hem sal mogen defenderen ende prevaleren tegen den hertoge; daer en is geen mogentheit, noch wijsheit tegen hem, want

237 prestncie AB.

[p. 363r]

ic en sal mi niet vresen ende ontsien overmits sine auctoriteit²³⁸ ende macht u te affligeren ende an te doen, dat nye gesien ende gehoert is.' Ende sette dese selve Jan van Boschusen sinen mont ende woerden sere vreesliken ende grijsseliken tegen den geesteliken personen, ende vermat hem van die wreetheden ende scoffirricheden die hi tot anderen tiden in vele plaetsen tegen den religiosen ende geestelike personen hadde gedaen, ende seide openbaer: 'Niet min en sal ic den meesten van u allen mede doen.' Dit gheseyt wesende reysde elc wederom thuys, om goeden raet te vinden. Hierna, in den IIII weke van der Vasten, is in Den Hage gecomen mit groter pomposicheden ende state, oft die prince van den lande geweset ware, meester Willem Hugonet, doctoer in beyden rechten ende ridder cancellier des hertoechs van Bourgondien, mitten grave Jan van Chymay, mit meer andere princen ende edelen, om sonderlinge nootlike saken te expedieren, die si te doen hadden; ende alsdoen wert weder een dachvaert gehouden van den geestlicheit; ende in desen vergaderinge consenteerden die religiosen ende geestelike personen van Delflant ende Hage ambocht de scattinge te geven, ende betaelden dairenboven der III gevangen clercken notarien tot Mechelen haer costen²³⁹, ende worden alsdoen verlost uuter vangenissen. Ende na desen sijnder veel geweest die die scattinge mede consenteerden tot anderen plecken ende die te betalen tot II terminen: deerste was Sint Jans dach tot midsomer, ende dander te Kersmis dairan volgende. Nochtans warender veel, dye se noch niet geven en wouden, als bi Leyden, Haerlem, Amstelredam ende in West-Frieslant.

238 auctoritiet AB.

239 aldus C; ontbr. AB.