Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek) (2011)

Informatie terzijde

  • Verantwoording
  • Inhoudsopgave

Downloads

PDF van tekst (7.77 MB)

XML (3.56 MB)

tekstbestand






Editeur

Aarnoud de Hamer



Genre

non-fictie

Subgenre

kroniek
non-fictie/geschiedenis-archeologie


© zie Auteursrecht en gebruiksvoorwaarden.

Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

(2011)–Cornelius Aurelius–rechtenstatus Auteursrechtelijk beschermd

Vorige Volgende

Hoe dat ene twist op geresen is na des hertogen doot van Bourgongen tusschen biscop David van Uutrecht ende sine stadt van Uutrecht.
Dat V capitel.

Hiervoer is geseyt hoe dat die Hollantse heren ende steden refuteerden ende in hoeren raet niet admitteren ende toelaten en wouden here Jan, burchgrave van Montfoerde, ende is mit enen arren moede getogen van Ghent, ende quam binnen der stat van Uutrecht, communicerende ende tracterende aldaer enige heimelike ende secrete raden mitten oversten ende regeerders van der stat. So ist gheboert in denselven jaer van LXXVII nae Paesschen, dat die van Uutrecht gesonnen hebben horen gedeputeerden van der stats wegen totten here David van Bourgondyen, horen here ende biscop, ende begeerden te willen volbrengen ende admitteren alsulke puncten ende articulen als si in gescriften hadden ende hem belast ende bevolen was die sijnre genaden te vercondigen. Onder diewelke articulen dese ene was, als dat die regenten als burgemeesteren, scepenen ende raden van der stat ordineert ende gheset souden worden na hore ouder ghewoenten ende costumen, dyewelke costumen die biscop over lange jaren violeert ende gebroken hadde. Ten anderen, dat hi uut sinen Rade wilde setten meester Ludolf van Campen ende meester Dirc uuter Weer, sinen vicarius, ende meer andere Vlamingen ende officierenGa naar voetnoot258, die si niet gehengen en wouden voir meer in die stat te comen. Die biscop anhorende hore begeerten en woude geen van allen admitteren noch toelaten, waerom dat die van der stadt van Uutrecht namen tot enen capiteyn ende hooftman here Jan van Montfoerde, ende versetten alle die officieren des biscops int waerlic recht, ende ordineerden weder andere officieren na ouder gewoenten van der stat; uut welken een groote twist ende discoorde opgeresen is tusscen den biscop David ende der stat van Uutrecht. Ende die biscop en quam niet weder binnen Uutrecht, mer bleef mit sinen raden ende heren op tslot ende binnen der stede van Wijck te Duersteden, ende sochten alle dage occasie omme een rumoer ende oploep te maken tusscen den regenten van der stadt ende den burgeren. Op eenre tijt hebben si mitter stat clocke ghebannen enen geesteliken clerck uuter stat, omdat hi turbaci ende rumoer hadde gemaect onder den geesteliken luden ende den burgeren, waerom dat die biscop die burgeren van der stadt in den banne dede; ende also si niet op en hilden noch cesseerden van den Dienst Goeds te doene, worden si declareert ende gecondicht irregulaer te wesen, also dat dese sake in een pleyte quam int hof van Romen. Die paeus Sixtus die IIII, anmerckende dat die sake sere intricaet ende swaer was, ende dat men se nyet wel en mochte examineren overmits vele allegaten ende redenen van beyden partyen voert gestelt, dan bi prelaten dairomtrent geseten, so heeft hi dan dese sake committeert te examineren ende determineren desen dryen geestliken prelaten, ende elcx bysonder van dyen, als den biscop van Cesarien; here Henric van Swartsenburch, biscop van Munster, ende here Claes van Adrichom, regael abt van Egmont. Ende alsoe die biscop van Cesarien binnen der stadt van Uutrecht woenachtich was, en woude hi den last niet annemen, omdat men gheen suspicie ende quaet vermoeden op hem hebben en soude, dat hij der stadts parthye draghende ware. Ende die biscop van Monster was op dye tijt sere becommert mitten oerloge des lants

[pagina 368v]
[p. 368v]

van Ghelre, dat hi oec dese sake niet declareren en mochte. So wert dan here Claes van Adrichom, abt van Egmont, requireert ende versocht, ende quam tot Uutrecht, ende dede scarpelicken examineren ende dese sake ondertasten. Ende als hi alle dinc wiselic ende voersichtich hadde volbrocht, sant hi die examineerde sake weder boven int Hof van Romen, om daer een finale ende determinate sentencie van der voorscreven sake gegeven ende pronuncieert te werden. Ende die abt absolveerde die van Uutrecht op cautelen uutes paeus auctoriteyt ende macht van den banne; ende desen twist ende discoorde stont hierna noch lange menige jaren.

voetnoot258
officireen AB.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken