Dichtkonst van verscheide stoffen

Phaleucus
In apparatum bellicum anni CIƆ IƆC XXXII.

RUrsúsne in Batavis cruente Mavors
Restinctum calidum venis furorem?
Stat Brontes, Steropesque, stat Pyracmon,
Et formant chalybem tibi, & reformant:
Sonant tympana, cogitúrque miles.
Restatne altera subjuganda Sylva?
Oquam pene nihil labore tanto
Perfectum fuerat, malúmque nostris
Quam cervicibus inminebat ingens!
Iam tum caesareis velavia armis
Fervebat, trepidique jam coloni
Migrabant veteres: dolor timórque

Agros, nec minus occuparat urbes.

Iam Batavia proximas videbat
Heu! flammas sibi tristis admoveri,
Fati ignara sui serenioris,

[p. 230]

 

Cum vesalia capta tot tumultus

 

Sopiret, solidum & daret triumphum,

 

Non coelum usque adeo favet benigne,

 

Nec semper veneres suc in fritillo,

 

Marti subsiliant canes subinde.

 

Si quid tristius interim paratur,

 

Illud tristius amovete divi:

 

Cana hoc relligio rogant fidesque.

 

Hei nondum satis est cruoris haustum!

 

Tot jam, nec benè, militamus annos,

 

Et pars utraque saepiùs triumphat.

 

Cedit Sylvaducis duci Batavo,

 

Cedit Ambrosio Bredana praeda;

 

Nunc nostris Morini inruunt carinis,

 

Nunc invadimus occidentis aurum;

 

Nostras Flandria nunc timet triremes,

 

Et tantum benè militem repellit;

 

Et mox Ambivariticas phalanges,

 

Et captos populos, liburnicásque

 

Ridet Mattiacus, timebat ante.

 

Deplorant sua damna jam Batavi,

 

Deplorant sua damna nunc Iberi.

 

Sic victoria ludibunda ridens,

 

Incertis volat hinc & inde pennis,

 

Et nunc Austriaco favet labori,

 

Et nunc Auriacas juvat cohortes.

 

Nec victos patitur diù jacere,

 

Victorique suus paratur ordo,

 

Vinci & vincere stat vicissitudo.

 

Sic nunquam poterit videre pacem,

 

Felix Belgica si videre posset,

 

Una militiae schola & magistra.

 

Agri nemine nunc colente squallent,

 

Et moesti querimur famem sitimque

[p. 231]

 

Fugit Triptolemus, nepósque Atlantis,

 

Fugit cum puero suo Dione,

 

Et Pan Arcadiam suam revisit.

 

Pax nobis redeat, Ceres redibit,

 

Et Bacchus puer, & puer Cupido,

 

Et Pan Arcadiam suam relinquet.

 

Mox Cyllenius advolabit ales,

 

Merces omnigenas ferétque Belgis:

 

Quidquid Sol oriens videt cadensque,

 

Totum hoc in Batavo fortiter plicabit.

 

Tunc rerum adfluet omnium potestas,

 

Et cunctae melius scientur artes.

 

Tunc quidvis placide canent camoenae,

 

Et quivis fieri potest poëta.

 

Inde & nunc videor mihi esse vates,

 

Et faustum mihi Apollo dictat omen.

 

Oquando aurea Dij redibit aetas!

 

Oquando aurea Dij redibit & vos,

 

Vos ô dicite pessimae tenebrae

 

Orci, quae omnia bella devoratis,

 

Cur non haec quoque bella devoratis?