Het gulden cabinet van de edel vry schilderconst

Ad Eundem.

PIctorum laudes sonitu dum Musa refundis,

Quos tenuere altos saecula nostra viros;

Corpora sunt quorum mesto tumulata sepulcro,

Splendidior quorum sydere lucet honos:

Sume Chelijn, cantare juuat praeconia Pauli,

Quem canit astrei turba novena Chori.

Hunc Vltraiectum vidit grauitate Catonem,

Atque Senatorem, delicium'que suum.

Obstupuêre omnes, huius dum signa notabant

Artis: nam visa est picta tabella loqui.

Parrhasio maior, sumpsit Timantis honores,

Et cum praeclaro Zeuxide compar erat.

Hinc tremulo volitans super AEthera Fama volatu,

Dispersum Pauli nomen ubi'que tulit.

[p. 132]

 

Cuncta quis effari poterit? quis viuida mentis

 

Munera diffuso promet ab ore sono?

 

Quis plausus memoret, suum quibus jncola civem

 

Vltraiectinus semper honore colit?

 

Plurima restabat tibi gloria Paule, ferenda:

 

Pallida sed nimium mors jnimica fuit.