Theodor Rombouts
Schilder van Antwerpen gheboren anno 1597. Ende ghestorven anno 1637.
GElijck voortijts de schoone Stadt van Florentien in Jtalien plach te wesen een Moeder der Constenaeren, soo is in Nederlant de Rijcke Stadt van Antwerpen een oprechte voester vande vornaemste: (emmers ten deel) der meest vermaerste ende Const-oefenaers die in Pictura wonder ghedaenten van leven hebben aenghewent, ghelijck desen uytnemenden Theodor Rombouts oock een van haer beste scholieren ende voesterlinghen is gheweest, door zijn groot verstant ende neerstighe ondersoeckinge der Natueren, die hy in groote Figuren boven het leven wist uyt te wercken, soo ende ghelijck aen veel van sijn stucken hier te Landt te sien zijn. Hy heeft Jtalien en meer ander Landen door reyst ende tot het eynde des levens de Const met grooten jever waergenomen, zijnde ghestorven binnen Antwerpen in het jaer ghelijck voorseyt is.
Auteursrechtvrij