Het gulden cabinet van de edel vry schilderconst

[p. 291]

Peeter van Aelst
Schilder van Hollandt.

AL t'gen' Natura can uyt haeren boesem dringhen
(By onse Constenaers ghenoempt stilstaende dinghen)

Waer in een leven schuylt dat gheen ghevoelen heeft

Een leven sonder siel, doch in sijn selven leeft:

Als in d'aerts vruchten is te sien met open ooghen
Dat can een Schilders handt met haer Pinceel verthooghen.

Ist silver oft fijn gout, ist yser ofte stael

En eenich ander stof, van op ghemaeckt metael.

Daer sich de Const in thoont, ghewrocht van menschen handen
Dat maeckt Van Aelst bekent, in veer gheleghen Landen

Door Const van sijn Pinceel die t'leven gans ontdeckt.

Die sonder leven is en op het leven treckt.