In obitvm viri amplissimi Gualtheri Petri Boudaan, I.V.D.
Civitatis Amstelaedamensis cum maxime consulis & senatoris, Indiae Orientalis moderatoris, & illustris Athenaei ac Gymnasii curatoris.
Defuncti D. III. Januar. MDCCLXXXI.
Siccine continuo mea Musa vacare dolori
Cogitur, & meritis solvere justa viris?
Fuderat Hooftiadae vix moesto in funere fletus,
Sparserat & lacrimis ossa sepulta piis.
Boudani quum morte, novo jam percita luctu,
Conspiciat madidis busta suprema genis.
Et certe quem flere pudet? cui patria cordi est,
Et libertatis non temerandus amor.
Talis inhaereat ignavae socordia genti.
Amstelio nunquam convenit illud opus.
Ille Magistratus merito dignatur honore,
Et tacita secum religione colit.
Publica qui semper praeponunt commoda privis,
Civibus & norunt invigilare suis.
Qui patriae leges, proavitaque jura tueri
Consueti, renuunt jussa minacis Heri.
[Folio A1v]
[fol. A1v]
Consilio illustres qui curant, invidus hostis
In sua ne nostras horrea condat opes.
Nec famulas patiuntur aquas servire Britanno.
Libera Belgarum puppibus unda patet.
Quid, Rutupine, tibi contendis in aequora juris
Et leges vasto scribere posse mari?
Xerxis ad exemplum Neptuni terga flagellas,
Aequoreisque infers verbera vana Deis.
Illius at fastum communi Graecia classe
Contudit, & magnas strenua fregit opes.
Et tua senserunt ignes navalia nostros,
Nec secere aliquam ferrea vincla moram.
Per glandes ferrumque ruit Brakelia virtus,
Quaque ruit, gelidam spargit ubique necem.
Nec magnos jam tolle animos, quod perfidus ungue
Tartareo spolias, dilacerasque rates.
Incustodito obrepit sic raptor ovili,
Sic trahit Herculeas Cacus in antra boves.
Quo non progrederis? vestrae petulantia linguae
Evomit in nostros verba canina patres.
Et ceu dgeneres clara de stirpe Cethegos
Affines foedae proditiones agit.
Poscit & ad turpem furiosa mente catastam
Insignes meritis & probitate viros.
Sed furor hic Britonum proprius; jam tempore prisco
Auteursrechtvrij