Gemmarum et lapidum historia

Natura, vires & facultates Topasii veterum seu Chrysoliti Gemmariorum & Chrysopatii. Cap. LXIII.

TOpasius limam sentit, ac in tantam molem interdum excrescit, vt statuae inde fiant. Scribit enim Iuba, Arsinoe Ptolemaei Philadelphi vxori statuam cubitorum quatuor fuisse ex Topasio in delubro sacratam. ⁺Sanguinis eruptiones sistere, vulnerique admotus extemplo fluentem compescere, bilem, iramque ac phrenitidem mitigare, si pro amuleto gestetur, perhibetur. Nocturnos etiam timores & puerorum terriculamenta, ac lunaticos paroxismos arcere creditur. In mensa positus chrysopasius (quem à chrysopraso differre non puto) praesente veneno traditur colorem amittere, eoque semoto iterum recipere. Sed huiusmodi vanas & praeter rationem omnem, de gemmarum viribus opiniones experientia rerum omnium magistra refutat. ⁺Potus chrysopatius cotialem curat perfectè, teste Cardano.

+ Ad sanguinis profluuia & phrenitidem.

+ Ad comitialem.