De lapide Nephritico. Cap. CVIII.
VT Heliotropius inter Iaspidis species numeratur, ita etiam lapis nephriticus. Deinde vt variis coloribus iaspides habentur, ita etiam lapides nephritici. Ea differentia inter iaspidem & nephriticum statui potest, quod hic durior sit iaspide, & nunquam quicquam rubedinis in ipso conspiciatur: deinde quod non exactè poliri possit. Semper enim ipsius superficies pinguis quasi oleo inuncta esset, videtur. Raro hic lapis in se duos colores habet: plerunque vno tantum colore, etiamsi magnus sic, tingitur, ac fere semper is color in ipso spectatur, qui ex albo & viridi simul mixtis coaluit. Dum in planitiem non crassiorem minimo digito redigitur obscurè transparet, vocatur ab Italis Osiada à sciatica, quod gestatus illam curare credatur. Belgicè een kalsbbee, & Germanicè ein kalssuwyn, Gallicè vne Siadre, corrupto vocabulo Italico.
Auteursrechtvrij