Gemmarum et lapidum historia

Natura, facultates, qualitates, proprietates, vsus & valor lapidis stellaris. Cap. CXLVII.

LApis hic aceto impositus mouetur hinc inde, subit enim per stellulas aut lineolas lapidi impressas tanquam poros humor, ac dum inclusum aerem premit ille exitum quaerens lapidem commouet.⁺

Commendatur puluis lapidis quatuor granorum pondere cum aqua approptiata exhibitus, ad pestis contagia impedienda, item ad vermes ex corpore deturbandos. Tam valide enim circumforanei vermibus aduersari iactant, vt si gestatus corpus nudum attingat vermium generationem impediat, tremorem membrorum arceat, apoplexiam aliosque subitaneos morbos ne hominem corripiant, impediat, ac victoriam, vnde nomen Germanicum habet, gestanti praebeat. Aiunt etiam puluerem in potu exhibitum haepatis & pulmonis vitia corrigere, ac sanguinem puriorem efficere. Deinde in cubiculo suspensum lapidem impedire ne eo animalia venenata & araneae se conferant. Qui primi generis sunt, ac exiguas bene formatas in albidiore corpore stellulas habent caeteris praeferuntur, ac annulis inseruntur. Verum non pluris fiunt quam emptor ipse velit. Nam elegantiae potius quam lapidis habetur ratio. Qui vnguis humani magnitudinem aequant, ac elegantes sunt, ad vnius aut duorum thalerorum precium accedere possant, aliàs viles sunt.

+ Ad pestem.
Ad puerorum vermes.