Imitatio & adulterium succini. Cap. CLXII.
PLinii tempore tingebatur ad libitum succinum hedorum & anchusae radice ac etiam conchylio, id est violae serotino colore. Hac aetate ars tingendi succinum periit. Si tamen verum sit quod vulgo scribitur, in ceram feruentem immissum molle fieri facile quosuis colores recipere poterit. Imitatio succini à multis proponitur. Cardanus oui candido & tragaganthi lachryma immissis formicis, culicis, muscis, paleis, succinique puluere vt bene oleat & festucas trahat, succinum imitari conatur, ac melius aptiusque candido oui, vitollum iudicat, quod coctum humiditatem, putredinis authorem amittat, ac in lapidem durescat: Myzaldus cristalli pollinem albuminis oui conquassati aqua croco addito miscet, vitro imponit ac aquae feruenti committit, dum duram consistentiam adipiscatur, quam efformat. Verum si corpus diaphanum cupiat, ante coctionem materiam percolat; sed modus iste mihi non placet. Baptista à Porta masticen liquidam per colum traiicit vt expurgetur parumque radicis curcumae adiicit ac succini speciem imitatur. Sed vtilius & verius imiratur is natiuum succinum qui id dissoluere ac dissolutum iterum coagulare vel in massam cogere nouit. Quomodo autem id fieri debeat, verus physicus haec aperire nefas existimo. Sufficiat itaque naturae scrutatori viam ita facile hoc capite demonstrari vt falli non possit. Qui exactam succini historiam vult, Andreae Libauii viri Doctiss. tractatum legat.
Auteursrechtvrij