Gemmarum et lapidum historia

Pumicis genera, loci natales & facultates eiusque vsus. Cap. CCXVIII.

DIfferunt inter se pumices colore, sunt enim aut nigri vt siculi, aut cinerei aut candidi, alii molles sunt manibusque teri in arenam possunt, alii duri, omnes rari sunt & leues ac ob fistulas aeremque iis contentum aquae innatant quamuis magni. ⁺Inueniuntur in Melo, Sciro, Aeoliis insulis, in Nisyeo insula, Sicilia, in Campania ad montem Modernum & Vesuuium, in Aenaria, & ad confluentiam Germaniae, item in littoribus maris vndis detrusis, & in tractu maris Tyrrheni. Veteres è spuma maris coalescere in insula Cyclade & Nisiro testantur. Saepe ab exustione aut coctione lapidum fit, vt circa Aethnam & in collibus Mysiae. ⁺Probantur candore, minimoque pondere, & vt quam maximè spongiosi aridique sint, ac teri faciles nec arenosi in fricando, quique ex capillis canescentibus coagmentati videntur vt alumen scissile. Hi ad corpora faeminarum leuiganda soli vtiles sunt. ⁺Vsus etiam pumicum est ad leuigandas telas pro pictoribus, item ad corpora faeminarum vel virorum fricanda in balneis, vis eorum in medicina est, Plinio teste, extenuare, siccare trina vstione, ita vt torreantur carbone puro, ac toties vino restinguantur albo. Lauantur deinde vt Cadmia & siccati conduntur quam minime vliginoso loco, vsus farinae eius oculorum medicamentis adhibetur, quia vlcera purgat leuiter, expletque cicatrices, & emendat. Quidam tertia vstione refrigeratos potius quam restinctos terere malunt ex vino. Adduntur etiam ad malagmata, capitum verendorumque vlceribus vtilissima, fiunt ex his dentifricia. Theophrastus au-

+ Locus.

+ Electio.

+ Pro pictorib.

[p. 198]

thor est potores in certamine bibendi praesumere farinam eius, sed nisi immenso potu impleantur periclitari, tantamque refrigerandi naturam esse vt inust feruere desinant pumice addito.