Geestigh liedt-boecxken

Liedeken,

Stemme:
Amaril de decken sacht, vande nacht, &c.

Die sich veynst, waent of vermeet,
Dat hy weet

[p. 149]

 

't Geen hy niet en weet te weten,

 

Werd met recht van elck bespot,

 

Ia een sot,

 

Of goed-dunckende geheeten.

 

 

 

2 Die alleen syn oogen slaet

 

Op 't gewaet,

 

Sonder eens na deughd te kijcken;

 

Machmen die door dit gebreck,

 

By een Geck

 

Om syn geckheyt niet gelijcken?

 

 

 

3 Die boven alle dingen acht

 

Het geslacht,

 

Sonder de persoon t'aanschouwen;

 

Machmen die oock niet wel voor

[p. 150]

 

Dwaes of Door

 

Om sijn grove sotheyt houwen?

 

 

 

4 Die by een leelijck mensch verselt,

 

Om het ghelt,

 

Met een weer-sin gaet vernachten,

 

Machmen die met alle recht

 

Niet voor slecht

 

Of voor eenen Gouwt-nar achten?

 

 

 

5 Die al waent, en houwt voor goet

 

't Geen hy doet,

 

En eens anders acht voor leuren,

 

Datmen die in sulck geval

 

Noemde mal,

 

Souwmen daer oock an verbeuren?

 

 

[p. 151]

 

6 Die staech op een ander siet,

 

Scheldt en schiet

 

Met veel spitse woorden vinnich,

 

En die sich selfs niet en kan

 

Recht sien an,

 

Noemtmen die oock niet uytsinnich?

 

 

 

7 Die men klaer voor ooghen leydt

 

Sijn dwaesheydt

 

Sonder omslach of bewimpel,

 

Die sijn trouwe vrunden raet

 

Grootsch versmaet,

 

Die acht ick noch nesck en simpel.

 

 

 

8 Ghy waert so quaet doen ick sey,

 

Dat de key

[p. 152]

 

V achter 't oor leyd en lottert:

 

't Is mijn schuld, 't is waer, ick kent,

 

Want ghy bent

 

Maer een onbeschaemde spottert.

 

 

 

9 Spiegeld in dees spiegel wel,

 

Niet u vel,

 

Om dat cierlijck op te toyen,

 

Vind ghy eenigh vuyl of swart

 

In u hart,

 

Soeckt dat wijslijck uyt te royen.

 

 

 

10 Als ick (Lief) in mijn selfs gae,

 

En sie nae

 

Al mijn eygen liefdsche trecken,

 

So dunckt my dat ick in myn

[p. 153]

 

Alles vyn

 

Dat ick in and're wil begecken.