Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd

Vorige Volgende


[8] wie dat meester ian van lyro oppenbarde hare tehant doen hi doed was ende wat har xpistoc seide EEn andere visione quam hare der werder lutgarden oppenbare om trint den seluen tiden dat si 395[regelnummer] dese had gesien de maghet vri di ongelijc nyen was themale
[Folio 42r]
deser visien, nv merct hier wale... Daer ic af seide di ersam man di van lyro geheten was ian 400[regelnummer] hi had hem seluen in gesonden liue, met lutgarden verbonden wie eer sciede van ertrike dat hi den andren sekerlike soud oppenbaren na sijn doet 405[regelnummer] daer na geuielt so dat om groet orber, the rome soud varen her ian dat sulken geesteleken wiuen ginc an die jn brabant sere van haren wedersaken, aenvochten waren 410[regelnummer] ende als hi dgeberchte was leden so starf hi ende voer te gheneden. Doen hi van ertrike was gehaelt so had hi gerne sijn scoud betaelt ende oppenbarde lutgarden tehant 415[regelnummer] daer si stont jnd cloester pant. al sine sach so wende si dat hi noch leefde de maghet vri ende tekende heme metter hant dat hi jnt spreec hues ginge tehant
[Folio 42v]
420[regelnummer] daer si van ordenen mocht spreken wale Doen andwerd hi ende sprac dees tale Jc ben van desen ertrike gheuaren ende woud mi v nv oppenbaren op dat ict gelof vervulde dar wi 425[regelnummer] ons met verbonden ic ende ghi. mettien viel si op derde neder ende vreghd hem wat di drierhand cleder bediedden di hem waren aen met so groter glorien ghedaen... 430[regelnummer] ¶ Doen andwerd hi ende seide , dit cleed dat blickend es ende wit als een geuallen snev, es mijn maeghdomlec lichame, di cuesch ende fijn ende onbeulect es, betekent mede 435[regelnummer] daer ic noit met sunde en dede maer hebben gehouden van kinde alneen onosel van wiuen ende suuer ende reen... ¶ Dat rode cleed dat ic heb aen dat du^oet de grote pine verstaen 440[regelnummer] ende dat liden ende dien arbeit daer ic voer de gerechtechheit ende voer de waerheit so seer met vacht
[Folio 43r]
dat ic daer af ter doed ben bracht. ¶ Dat gele cleed dat ic heb ane 445[regelnummer] talder ouerst, geft te uerstane dat geestelec leuen dat ic aen nomen hadde, daer ic jn was uolcomen. ¶ Als dat geseght was ende gedaen veruoer hi vt haren oghen saen 450[regelnummer] Ende sien blef sonder wonder nyet... Doen seid si wat daer was gescied hare vleschleker suster voerwaerd ende den andren nonnen ter vaert... Voerwerd meer als was dat sake 455[regelnummer] dat lutgart seer was tongemake dat si had den man verloren dien si om doeght had vt vercoren nochtan so troestesse god ter vaert ende sprac toet hare dees vriendelec waert 460[regelnummer] waer om so weendi mijn lieue kint also langhe als gi mi mint En been ic v nyet beter dan sijn tien kindere, o vriendinne mijn Dies en verstont si nyet een waert 465[regelnummer] want si was leec de gu^oede lutgaert
[Folio 43v]
maer doen men haer den sin dar af bediedde, tehant so lied sijd ende gaf gode op beide rouwe ende seer ende en versloech haer seluen nommeer 470[regelnummer] maer gebenendyde den genen die blide mach maken ende verren dat wenen.

Vorige Volgende