Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Leven van Sinte Lutgart (1987)

Informatie terzijde

  • Verantwoording
  • Inhoudsopgave

Downloads

PDF van tekst (0.54 MB)

XML (0.18 MB)

tekstbestand






Editeur

Maurits Gysseling



Genre

poëzie

Subgenre

heiligenleven


In samenwerking met:

(opent in nieuw venster)

© zie Auteursrecht en gebruiksvoorwaarden.

Leven van Sinte Lutgart

(1987)– Broeder Geraert–rechtenstatus Auteursrechtelijk beschermd

Vorige Volgende
[Folio 45r]
[fol. 45r]

[10] Wie dat haer de viand oppenbarde ende seide haer wiedwijs dat hi een nonne bedrogen hadde. ende wiedwijs de nonne daer af verloest was.

 
Et gheuiel also dat ene
 
gestlec nonne ende een rene
 
van den viand bedroghen waerd
535[regelnummer]
daer hi aen toende sinen aerd
 
ende liet haer heimelec dinc verstaen
 
als ocht van gode waren gedaen.
 
Doen bat uoer haer de heileghe lutgart
 
ende god hi andwerdde haer dees waert.
540[regelnummer]
Di in der donkerheit der noet
 
sitten, ende in der scaden der doet
 
si moten werdden verliecht van binnen
 
hier af en const si uyet gekinnen
 
wat dit sprac de ionfrou fijn
545[regelnummer]
want sien verstont en geen latijn.
 
al si dees warde nyen const verstaen
 
so vregessijs eer nonnen saen
 
di haer op paepscap wel verstont
 
dies haer berichte ende maecte cont.
550[regelnummer]
Doen bat si voer hare ernstelec tehant
 
so dat hem daer de scalke viant
[Folio 45v]
[fol. 45v]
 
der guoder lutgarden vertoende ende seide
 
ic ben de loeghlec geest di verleide
 
di heilege nonne ende diese bedrieghe
555[regelnummer]
ende di haer behindechleke lieghe.
 
Doen seide si toet heme, nv gaet in genen
 
andren coester ginder toet enen
 
moenc di symon es gheheten
 
ende seght hem dit selue ende latet hem weten
560[regelnummer]
dat ic ymanne hebbe met mi
 
di jn der waerheit getughe si.
 
Ende sonder beiden daer na saen
 
wart haer de viant onderdaen
 
so dat brueder symon quam
565[regelnummer]
the hawiers als hijt vernam.
 
die selue symon hi was een man
 
di sheileghe geests was vol, ende van
 
guoeden leuene was hi geheten
 
dien god sier heimelecheit vele liet weten
570[regelnummer]
also alst dboec getughet wale
 
daer sijn leuen jn steet themale.
 
Al si dit wisten alle beide
 
van den viant died hen seide
 
so droegens ouer een theruaerd
[Folio 46r]
[fol. 46r]
575[regelnummer]
alst hen van gode was oppenbaerd
 
ende sindden om de nonne, die quam
 
ende sonder merren wart si so lam
 
dat haer worden al haer lede
 
hande ende voete ende been oec mede
580[regelnummer]
the ghader ghetrocken ende so stijf
 
dat men sach wonder aen haer lijf
 
want haer mont was sekerleke
 
toe ghesloten so starkeleke
 
dat menne met enen messe nyet
585[regelnummer]
en const ontpluken en twinteken yet.
 
Alsi dit iammer saghen aen hare
 
so worden si alte sere in vare
 
ende vreeslec sere versaght mettien
 
ende vielen neder op haer knyen
590[regelnummer]
ende baden jnnechleke onsen here
 
dat hise weder brechte the kere.
 
Wat eest dat men daer voerwerd leest
 
en hadde warlec geen recht geweest
 
dat se god had laten ghestoerd
595[regelnummer]
ende haer bede nyen had ghehoerd
 
daer om doen si van haren ghebede
 
op stonden so ghingen der nonnen lede
[Folio 46v]
[fol. 46v]
 
ten irsten state, ende dat si oec
 
haren mont tien seluen op loec
600[regelnummer]
ende datsi spise nam ende at
 
ende wart gesterct ende had saen bat
 
ende van dien daghe voert bleef si
 
van allen bedrochhennes quite ende vri.
 
Namaels wart si so seer verhauen
605[regelnummer]
met groter verdienten ende met gauen
 
also als menech met oghen sach
 
dat si allene nyet heten en mach
 
verliecht in der demsternessen
 
maer si verlighte met heilegen lessen
610[regelnummer]
met guoeden seden ende exemplaren
 
veel liede die in der demsternes waren.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken