Leven van Sinte Lutgart

[28] Wie dat si enen genas van den uallenden ongemake

Een wijf had enen sone, die van
den groten ovele was siec hied ian

[fol. 64v]

 

om hem so dreef si groten rouwe

 

ende et geuyel so dat dees vrouwe

 

hoerde doen si lach ende sliep

 

en stimme di alsus toet haer riep

1385

gaet toet lutgarden di menegen troest

 

v sone sal seker werdden verloest

 

si stont op vroegh ende ginc toet daer

 

ende offerde haren soene haer

 

ende daer na dat dad was gedaen

1390

so riep si onsen here aen

 

ende bat voer heme de maget vri

 

ende daerna optestat leid si

 

haren vingher in sinen mont

 

ende maecte een cruse ter seluer stont

1395

voer sijn herte, ende daer na meer

 

so en gevueld hi noch siecheit noch seer