Leven van Sinte Lutgart
(1987)– Broeder Geraert–
Auteursrechtelijk beschermd
[Folio 85v]
| |
215[regelnummer]
the oignies, ende oec voer waer
so was hi wijlneer menech iaer
the hauwiers cappellaen met eren
die wel const predeken dwoert ons heren
maer hi gaf hem sunderlinghen
220[regelnummer]
the sere te wereleken dinghen
ende becommerd hem te seer daer mede
dat dicke brinct inne groten onvrede
Dees wart met groter siecheit beuaen
als ons distorie duoet verstaen.
225[regelnummer]
Ende als hi starf des daghs te uoren
so deed hi bringen der vtuercoren
marien van oignies vinger aldaer
ende als hijn sach so sprac hi toet haer.
O werdege heilege urouwe doen gi
230[regelnummer]
leuet, so gelouedi mi
dat gi mi soud bi staen in mijn doet
helpt mi, ets tijt, ic hebs nv noet
Daer na so starf her baudwijn saen
ende ward in oignies ter erden gedaen
235[regelnummer]
the sinen graue was bruder bernard
Ende doen hi was begrauen teruard
so quam brueder bernard gegaen
| |
[Folio 86r]
| |
the hawiers weder, ende also saen
als en sach comen de werde lutgard
240[regelnummer]
so seid si, willecome brueder bernard.
Es bruder baldwijn sprac si doed
dat si dies ureghde dies had hem groet
wonder, wie sijt wiste so saen
Doen sprac hi, hi es ter erden gedaen.
245[regelnummer]
wat sal hier sprac hi dan nu gescien
Doen andwerdde hem lutgard mettien
ende seide, Onlanghe hier te voren
vertoende har mi mijn vtuercoren
urouwe van oignies maria ende seide
250[regelnummer]
mijn lieue vrient stant op, en beide
nyet langer, maer bid gode sere
want ons vrient ons lieue here
her baudwijn hi es seker doet
ende hi es nv in groter noet
255[regelnummer]
want sijn siele si es nv bracht
voer doerdeel gods ende es daer gehacht
op dese vre nv te geuene
redene van allen haren leuene.
Nu merct hier alle ghi ionfrouwen
260[regelnummer]
wie gewarech si was van trouwen
| |
[Folio 86v]
| |
dat si getueghde de maghet vri
ende dat si geloefde gheleiste si.
|
|