Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Leven van Sinte Lutgart (1987)

Informatie terzijde

  • Verantwoording
  • Inhoudsopgave

Downloads

PDF van tekst (0.54 MB)

XML (0.18 MB)

tekstbestand






Editeur

Maurits Gysseling



Genre

poëzie

Subgenre

heiligenleven


In samenwerking met:

(opent in nieuw venster)

© zie Auteursrecht en gebruiksvoorwaarden.

Leven van Sinte Lutgart

(1987)– Broeder Geraert–rechtenstatus Auteursrechtelijk beschermd

Vorige Volgende

[16] wiedewijs dat si starf ende wie dat si seide dat themelsche her in den cloester was doen si steruen soude.

 
Dies saterdachs na dien sondach
550[regelnummer]
dat di heileghe kerke plach
 
van der triniteit eerleke
 
the houdenne, wart lutgard swarleke
 
beuaen met enen starken rede
 
daer die doed na uolghde mede.
555[regelnummer]
smaendaghs quam een conuers gegaen
 
van hafflighem, ende ginc dar staen
 
ende besochte de maghet vri.
 
Ende onder ander woerde sprac hi.
 
Verghaue god dat dabd ons here
560[regelnummer]
wiste moeder dat ghi sus sere
[Folio 93v]
[fol. 93v]
 
met sware siecheit sijt bestaen.
 
Doen andwerde si hem weder saen.
 
Morghen sprac si so sal comen
 
mijn lieue abd ic hebt uernomen
565[regelnummer]
ende sal mi sien mien lieue here
 
dies wonderde den conuerse sere
 
wand hi en hadde en genen waen
 
dad dat gescien mocht also saen.
 
maer doch so swegh hi ende lied varen.
570[regelnummer]
Dies anders daeghs quam dabd geuaren
 
binnen tween milen na daer bi
 
nochtan soen wist hi nyet dat si
 
siec was ocht dat har yet deerde
 
maer om dat hise te siene begeerde
575[regelnummer]
so woud hi doen al toet har varen
 
ende seid toet hen die met hem waren
 
laed ons de werde lutgard heden
 
varen sien, wants lange es leden
 
dat ic die heilege urouwe nyen sach.
580[regelnummer]
Doen voer hi te hauwiers dar si lach
 
ende gruetesse liefleke alse hi plach
 
ende seide god geue v guoeden dach.
 
Ende al sine sach den here
[Folio 94r]
[fol. 94r]
 
den abd, so ward si alte sere
585[regelnummer]
verblijd, ende richt har op tehant
 
op har bedde, ende nam sijn hant
 
ende seide, ic vaer henen nv
 
mijn herteleke vrient van v
 
ende ic en laet onder den hemel
590[regelnummer]
nyet lieuers dan v, ende wet dat wel
 
dat mi god mijn vaderlec here
 
van v getroest heft harde sere.
 
Als dat was gedaen voer hi
 
di abd ewech, ende lutgart si
595[regelnummer]
bleef in groter bliscap daer
 
toten donders daghe, maer
 
dies donders daeghs quam ver sibille
 
van gagis, na hars herten wille
 
ende al si hars wart geware
600[regelnummer]
ende sise hoerde, sprac si toet hare
 
Sit hier bi mi urouwe ver sibille
 
et es nv comen na minen wille
 
nv est al comen na mijn gere
 
ende nv es van den hemelschen heere
605[regelnummer]
al vol dit cloester dat segh ic v.
 
ende hier es schegenwordech nv
[Folio 94v]
[fol. 94v]
 
van heileghen zielen een groet getal
 
ende onser sustre vele, di al
 
sijn doed, ende hier om minen wille
610[regelnummer]
sijn comen, Daer na swegh si alstille
 
ende bleef dien dien vridach sonder pine
 
met enen grasioysen anscine
 
haer geest ouermids gods grasien
 
sueteleke in contemplasyen
615[regelnummer]
dies saterdaeghs als neecte di vre
 
dat di seleghe creature
 
steruen soude ende har rechtinge
 
ende sacrament had sunderlinghe
 
sloech si har ogen blidelike
620[regelnummer]
opwert te gode in hemelrike
 
ende staerf met feesten ende met sange
 
daert af weer te seghgene telange
 
Dees ionfrouwe staer ouer waer
 
doen men screef .mo. ende .cco. iaer
625[regelnummer]
ende .lxvi. iaer daer mede
 
van den iaren ons heren, in vrede
 
opten negensten dach die ghelach
 
voer sinte ians baptisten dach
 
om trint vespertijt als si
[Folio 95r]
[fol. 95r]
630[regelnummer]
oyt was van iaren also als mi
 
distorie leert, al oppenbaer
 
om trint .xl.iiij. iaer
 
ende voer ten euweliken lone
 
dies si gebenendyet gods sone
635[regelnummer]
di sonder inde sal regneren
 
jn hemelrike met groter eren.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken