Die Darfelder Liederhandschrift 1546-1565

[p. 180]

Nr. 95aant.

⁺ I.
Sich sindt myn hertz mit smertz
nach dir, myn wunderschoine fruchtt;
ich hab kein rasth,     so vast
hett mich allein
dyn wyblich zuchtt.
ich weis kein zytt,
de mich erfreuwtt,
synt ich dich hertz lieb moiß myden,
hertz allerliebste myn,
wende mich de pyn,
myn hertz kein moye erlidenn.

II.
Darumb bidt ich dich: troist mich,
nym hen grois leidt und sware klaigh,
wen du der bisth,     der fristh,
de es mir all
woll endenn mach
in solchenn sachenn,
das liden myn
uff erdenn kein freude mach styllenn
wenn du allein,
myn einigs E!
gyb frundlich dar dynenn willenn.

III.
Ich beger uff erdenn nith mherr
dann mynes schoines lieb;
der adenn dyn,     darnach myn
gemoitt steitz weyett,
dan ich will gantz din eigenn synn
bis uf das ende myn.
von mir nith wend,
du bist de schoine uff erden;
mit Zucht unnd mit wieße
geb ich dir denn preiß,
laiß es dir hertzallerliebste wolgefallenn.

+ Bl. 106 v^o