Dat 13. Capittel.
Vande Onwetende, die qualijck begheeren.
Aengaende d'andere ontbeerders vande wetenschappe, overmits zy die qualijck begeeren, maer nochtans begheeren, is te mercken dat sulck qualijck begheeren niet en is dan zottelijck, 1 traeglijck 2 en̄ ongheloovigh begheeren 3. Die daer zottelijck begheeren, ghevoelen Ga naar margenoot+ haer sieckte, mercken haer onverstant, ende begheeren wel verstandt om aen ghesontheyt der Zielen te geraken, doch niet na de leere vande Medecijnmeester, maer nae haer eyghen goetdunckenheyt. Sy stellen vermetelijck den Medecijnmeester wetten, hoe en̄ waer door zy ghenesen willen sijn, ende begheeren meest 'tgunt Ga naar margenoot+ hen meest schadelijck is. Deser zotten getal is Ga naar margenoot+ oneyndlijck. Meest elck niet wetende wat zy bidden, begheeren Mette moeder der Kinderen Zebedet, meer hooghe en̄ onnutte dan nedere en̄ heylsame saken: daerom en verkrijgen zylieden Ga naar margenoot+ ooc niet, overmits zy qualijck begeeren. Sulcx dat wy leyder meest al van ons selve mogē seggen met waerheyt, dat Paulus d'Apostel onder sijnen persoone spreeckt van eenighe onwetende Romeynen, namentlijc: Wy en weten niet wat Ga naar margenoot+ wy bidden sullen soo't behoort. Want d'een begeert rijckdommen, om sijne kinderen in die stekelijcke doornen gemackelijc te beddē. D'ander bidt om Staten en̄ Hoogheyt, die verkregē zijnde, veeltijts den verkrijgere met schandē int verdervē stortē. Die derde wenscht om die zielmoordelijcke weelde, ende in summa meest elck begheert niet anders (recht als kinderen, vyer, messen, glasen, en̄ andere verderflijcke dinghen begeeren, dan alle 'tghene bequaem is om ons de lieve God uyt enckel Liefde dan noch meest onthoudt. Gemerckt de ghene die't noch verkrijgen meest al met hare jammerlijcke schade bevinden: dat zy arger dingen voor hen self hebben gebeden, dan zy haren vyanden souden konnen vloecken. Die tot dit verstant comen, vermijden haer verderven en̄ sulck qualijc begeerē.
Auteursrechtvrij