Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Het oudt Huysken van Bethleem (1590)

Informatie terzijde

Titelpagina van Het oudt Huysken van Bethleem
Afbeelding van Het oudt Huysken van BethleemToon afbeelding van titelpagina van Het oudt Huysken van Bethleem

  • Verantwoording
  • Inhoudsopgave

Downloads

PDF van tekst (0.64 MB)

PDF van tekst (0.65 MB)

Scans (9.80 MB)

XML (0.32 MB)

tekstbestand






Genre

poëzie

Subgenre

liederen/liedjes


© zie Auteursrecht en gebruiksvoorwaarden.

Het oudt Huysken van Bethleem

(1590)–Hendrik de Coster–rechtenstatus Auteursrechtvrij

met vele schoone leyssenen, lofsanghen ende andere geestelyke liedekens verciert, ter eere van den nieuwen gheboren Coninck onsen Salichmaker Christus Jesus


Vorige Volgende

[O Suyuer maghet van Israel]

Een nieu Liedeken.

 
O Suyuer maghet van Israel,
 
Wilt v verblijden nv,
 
Om der schoonder bootschap snel,
 
Die ick v brenghe nv.
 
Al metter bootschap schoone
 
Die d’engel heeft ghedaen,
 
Hebdy van sHemels throone,
 
Door den heylighen Gheest ontfaen.
 
Als Ioseph dat verstonde,
 
Dat Maria was bevrucht,
 
Hy peysde in shertsen gronde,
 
Hem waer beter gheulucht.
 
Des hem die Enghel schoone,
 
Toe sprack ende riet,
 
Ioseph Dauids sone,
 
En wiltse begeuen niet.
 
Neemt die Maecht wtuercoren,
 
Die Moeder Godts Maryen:
 
Dat van haer wert geboren,
 
Sal ons van sonden vrijen.
 
Maria en Ioseph mede
 
Voeren beyde te tsamen,
 
Tot Bethleem die stede
 
Daer zy haer herberghe namen.
 
In een arm huyseken bloot,
[pagina 28]
[p. 28]
 
Sonder wanden oft deuren,
 
Om datse daer waren in grooten noot,
 
Moest hun also ghebeuren.
 
Alst quam ter rechter middernacht,
 
Soo heeft die Maghet ghebaert
 
Een Kindeken van grooter macht,
 
Als ons die Enghel verclaert.
 
Doern baerde sy suyuerlijcke
 
Den Heere ghebenedijt
 
Van Hemel ende aertrijcke:
 
Loff sy hem tot alder tijt.
 
Doen sanck met blijden gheschalle
 
Ioseph Alleluya,
 
Ende die Enghelen alle
 
In excelsis gloria,
 
Die herderkens op den velde
 
By haer schaepkens laghen,
 
Een Enghel hun vertelde
 
al dat sy daer saghen.
 
Met groote ancxticheyden,
 
Werden sy beuaen,
 
Die Enghel tot hem seyde,
 
Laet v ghedachten staen.
 
Ende gaet tot Bethleem binnen,
 
Daer suldy nv ten stonden,
 
Iesum Christum gheboren vinden,
 
In doeckelkens ghewonden.
 
Daer vonden sy dat Kindekijn,
 
Gheleyt in eender cribben,
 
Van hoy was sijn beddekijn,
 
Hy en woudet anders niet hebben.
 
Tkindekijn wert nae den wilet goet
 
Ten achsten daghe besneden,
 
En storte daer doen sijn jonck bloet
[pagina 29]
[p. 29]
 
Wt sijne teere leden.
 
 
 
Doen Maria ghehouwet was,
 
Ende men die schrifture las,
 
Wat seyde haer man?
 
Ick salt v openbaren
 
Soo ickt best can.
 
Ioseph sach tonser vrouwen waert,
 
Ende was seer veruaert
 
Ende hy en seyde niet
 
Hy peysde: lieue Heere
 
Wat is my gheschiet.
 
Ioseph dachte in sijnen moet
 
Dede hy haer schande ten waer niet goet
 
Hy peysde dat
 
Dat hy haer ontgaen woude
 
In een ander stadt.
 
Daer Ioseph lach en sliep
 
Die heylighe Gheest hem toeriep
 
Dat was also
 
Staet op Dauids sone
 
En weest vro.
 
Ioseph en weest niet versaecht
 
Dat Kint dat Maria draecht
 
Dat is Godts Kindt
 
Die heylighe Gheest is in haer comen
 
En twijfelt niet mijn vriendt.
 
En waer dat Kint noyt gheboren
 
Onse siele waer verloren
 
Dat waer also
 
Staat op sijn Dauids sone
 
Ende weest vro.
 
 
 
Godt groete v Roose van Hierico gepresen,
 
Ontpluyct soo moetenwy wel wesen.
 
Aue Maria tu es plena gratie.
[pagina 30]
[p. 30]
 
Die metter sonnen is ghecleyt
 
En die mane onder haer voeten spreyt                    Aue Maria.
 
Die sonne is den heylighen Gheest
 
Die v verblijt heeft alder meest.                        Aue Maria.
 
Die mane is dat ghelooue goet
 
Daer op suldy rusten met moet.                        Aue Maria.
 
Ghy hebt ghestilt des Vaders thoren
 
Dat Eua hadde verloren.                          Aue Maria.
 
Want ghy hebt gebracht dat Godts lam
 
Dat onse sonden al aff nam.                        Aue Maria.
 
Godt groete v puerlijck der princen eere
 
Daer en is niemant in dan Godt den Heere.                     Aue.
 
Ghy sijt een arcke Gods groot
 
Daer in rust dat Hemels broot                         Aue Maria.
 
Ick bidde d Coninghinne vrouwe
 
Ick bidde v Maria by rechtetrouwe.                          Aue. M.
 
Dat ghy onsen lieuen Heere
 
Bidden wilt dat hy ons van sonden keere                        Aue.
 
Het sy vrouwe oft man
 
Die dese woorden ghesegghen can                        Aue Maria.
 
Dat hem Godt zijn hemelrijck wil gheuen.
 
Met dat kindekijn in d’eewich leuen                        Aue Maria.
 
Nv laet ons singhen het is tijt,
 
Est puer Natus hodie.
 
Die ons allen heeft verblijt,
 
Pro nostrorum crimine.
 
Hodie. hodie. natus est Rex gloriae.
 
Die vader inder eewicheyt,
 
Est puer natus hodie.
 
by de heylghe Drieuuldicheyt
 
Pro nostrorum crimine.
 
Dat Adam inden appel beet,
 
Est puer Natus hodie.
 
Dat mach ons allen wel wesen leet.
[pagina 31]
[p. 31]
 
Pro nostrorum crimine.                        Hodie, hodie.
 
Want al dat storf hier te voren,
 
Est puer natus hodie.
 
Moesten allen sijn verloren,
 
Pro nostrum crimine.                        Hodie, hodie.
 
Die Sone was van Hemelrijcke,
 
Est puer natus hodie.
 
Werde wederom ons ghelijcke,
 
Pro nostrum crimine.                        Hodie, hodie.
 
Daerom is hy neder comen
 
Est puer natus hodie.
 
Ende heeft ons Menscheyt aenghenomen,
 
Pro nostrorum crimine.                        Hodie, hodie.
 
Tot eender Maghet al te hant,
 
Est puer natus hodie.
 
Hy sijnen Enghel neder sant,
 
Pro nostrorum crimine.                        Hodie, hodie.
 
Godt groet v sprack die Enghel saen,
 
Est puer natus hodie.
 
Ghy zijt vol gratien sonder waen,
 
Pro nostrorum crimine.                        Hodie, hodie.
 
Van Gode doen ick v verstaen,
 
Est puer natus hodie.
 
Dat ghy den Gods Sone sult ontfaen,
 
Pro nostrorum crimine.                        Hodie, hodie.
 
Want hy v der toe heeft vercoren,
 
Est puer natus hodie.
 
Dat hy van v wilt sijn gheboren,
 
Pro nostrorum crimine.                        Hodie, hodie.
 
Als Maria dit verstont,
 
Est puer natus hodie.
 
Wert zy vervaert in haren gront,
 
Pro nostrorum crimine.                        Hodie, hodie.
 
Met vreesen sprack sy den Enghel an,
[pagina 32]
[p. 32]
 
Est puer natus hodie.
 
Hoe mach dit sijn, ick en kenden noyt Man,
 
Pro nostrorum crimine.                        Hodie, hodie.
 
Die Enghel sprack haer aen met dien,
 
Est puer natus hodie.
 
Maria en wilt niet ontsien,
 
Pro nostrorum crimine.                        Hodie, hodie.
 
Die heylighe Gheest sal v omuaen,
 
Est puer natus hodie.
 
Met sijnder cracht suldy ontfaen,
 
Pro nostrorum crimine.                        Hodie, hodie.
 
In v sal groot wonder gheschien,
 
Est puer natus hodie.
 
Van Godt, ten was noyt ghesien,
 
Pro nostrorum crimine.                        Hodie, hodie.
 
Ten was noyt ghesien op gheen termijn,
 
Est puer natus hodie.
 
Want ghy sult Moeder ende Maghet sijn,
 
Pro nostrorum crimine.                        Hodie, hodie.
 
Als Maria dat verhoorde,
 
Est puer natus hodie.
 
Heer Enghel sprack sy na uwen woorde,
 
Pro nostrorum crimine.                        Hodie, hodie.
 
Gods wille moet ouer my sijn,
 
Est puer natus hodie.
 
Sijn d’eerne wil ick altijts sijn,
 
Pro nostrorum crimine.                        Hodie, hodie.
 
Doen sy dat sprack ootmoedelijck,
 
Est puer natus hodie.
 
Ontfinck sy Godt van Hemelrijck,
 
Pro nostrorum crimine.                        Hodie, hodie.
 
Sonder pijne ende vaer,
 
Est puer natus hodie.
 
So rusten hy neghen maenden in haer,
[pagina 33]
[p. 33]
 
Pro nostrorum crimine.                        Hodie, hodie.
 
Daer na wert hy van haer gheboren,
 
Est puer natus hodie.
 
Naer der Propheten segghen te voren,
 
Pro nostrum crimine.                        Hodie, hodie.
 
Inder nacht dat sy ghelach,
 
Est puer natus hodie,
 
Van rouwe en was daer gheen ghewach,
 
Pro nostrum crimine.                        Hodie, hodie.
 
Die Enghelen Gods van Hemelrijck,
 
Est puer natus hodie,
 
Die songhen alle blijdelijck,
 
Pro nostrum crimine.                        Hodie, hodie.
 
Glorie inder eewicheyt,
 
Est puer natus hodie,
 
In die heylighe drijvuldicheyt,
 
Pro nostrum crimine.                        Hodie, hodie.
 
Ende inder aerden mede,
 
Est puer natus hodie,
 
Sy maeckt menighen Mensche vrede,
 
Pro nostrum crimine.                        Hodie, hodie.
 
Want ons heden gheboren es,
 
Est puer natus hodie,
 
Godt ende Mensche sijt seker des,
 
Pro nostrum crimine.                        Hodie, hodie.
 
Die Herderkens op den Velde laghen,
 
Est puer natus hodie,
 
Een groote claerheyt dat zy saghen,
 
Pro nostrum crimine.                        Hodie, hodie.
 
Met vreesen waren sy beuaen,
 
Est puer natus hodie,
 
Die Enghelen quamen by hun staen,
 
Pro nostrum crimine.                        Hodie, hodie.
 
Ghy Herders en wilt v iet veruaren,
[pagina 34]
[p. 34]
 
Est puer natus hodie,
 
Van Godt brenghe ick nieuwe maren,
 
Pro nostrum crimine.                        Hodie, hodie.
 
Want daer is een Kint gheboren,
 
Est puer natus hodie,
 
Van eender Maghet wtuercoren,
 
Pro nostrum crimine.                        Hodie, hodie.
 
Met vreuchden willen wy singhen,
 
In desen blijden tijdt,
 
Heer Iesus wil ons bringhen,
 
In sijn vreucht en jolijt,
 
Daer toe is hy gheboren,
 
Van eender Maghet fijn,
 
Hy stelpt des Vaders thoren,
 
Dat soete Kindekijn.
 
Wt Yesse is ghesproten,
 
Een edel bloeme lofsam,
 
Daer is ons wt ghevloten,
 
Een bloeme dat Goddelijck lam,
 
Hy bracht ons offeranden,
 
Dat dede dat leuen sijn,
 
Hy brack der Hellen banden,
 
Dat soete Kindekijn.
 
Die oude Vaders alle,
 
Die laghen inden noot,
 
Met so grooten gheschalle,
 
Ende met versuchten groot,
 
Terstont dat sy begeerden,
 
Dat soude gheboren sijn,
 
Al van die suyuer geerde,
 
Dat soete Kindekijn.
 
Maria die suyuer geerde,
 
Diemen noyt ghenomt en vandt,
 
Eer sy noyt quam op deerde,
[pagina 35]
[p. 35]
 
Was sy met Godt bekant,
 
Van minnen hem sijn bloet coste
 
Dat dede sy wel aent schijn,
 
Loff hebt ghy, die ons verloste.
 
Dat soete Kindekijn.
 
Die Enghel van den throone,
 
En al dat oyt leuen ghewan,
 
Bekende Marien soone,
 
Sonder die wreede man,
 
Herodes valsche Heere,
 
Dat dede hy wel aent schijn,
 
Want hy benyde seere,
 
Dat soete Kindekijn:
 
Herodes wat baet v sorghen,
 
Ghy sijt van herten blint,
 
Gheen dinck en is verborghen,
 
Al voor dat ionghe Kint,
 
Hy en mint gheen aertsche dinghen,
 
Sijn rijck is sonder termijn,
 
Wat wilt ghy dan verdringhen,
 
Dat soete Kindekijn
 
Sal ick nv moeten verliesen,
 
Mijn eere mijn goet, mijn lant,
 
Het sal daerom verkiesen,
 
Die doot van mijnder hant,
 
Ende Kinderen van veel wijuen,
 
Al inden lande mijn,
 
Het salder oock mede blijuen,
 
Dat soete Kindekijn.
 
Herodes heeft voorwaren,
 
Van sinnen wel ghemist,
 
Dat Kint is hem ontvaren,
 
Met Goddelijcker list.
 
Daer moesten sijt besteruen,
[pagina 36]
[p. 36]
 
Veel Kinderen, dat is wel aenschijn,
 
Om dat hy wilde bederuen Dat soete Kindekijn.
 
Dry Coninghen wt Orienten,
 
Die hadden des Kints ghewout,
 
Sy brachten hem in presenten,
 
Myrre wieroock ende Gout,
 
Daer mede dat sy bewesen,
 
Sijn macht, sijn ryck, sijn pijn,
 
Daer mede heeft hy ons ghenesen                        dat soete.
 
Een Enghel quam ter spraken,
 
Ioseph den goeden man,
 
Ghy meucht v wel henen maken,
 
Ende varen nu hier van,
 
Herodes wilt doen dooden,
 
Den soeten schepper dijn
 
Behoet hem, van allen nooden dat soete kindekijn
 
Een Esel ginck hy bereijden,
 
Al was hy droef ghesint,
 
Daer op sette hyse beyde,
 
Die Moeder ende dat Kint.
 
Te Egipten voeren sy henen
 
Al door die wilde woestijn,
 
Syn macht heeft daer gheschenen,                        Dat soete,
 
In deser suyuer feesten,
 
Sijn sy gheuaren voort,
 
Al door die wijde foreesten,
 
Sy deden haer confoort
 
Elck mocht hem daer visiteren,
 
Sonder te begrepen sijn,
 
Hy wilde hem so verneren,                        Dat soete kindekijn
 
Doen sy quamen met allen
 
Al in Egypten lant
 
So ist hun wel gheuallen
 
Want vrienden hy daer vant
[pagina 37]
[p. 37]
 
Sy namen groot behaghen
 
In sijn lieflijck schoon aenschijn,
 
Als sy allen aensaghen,
 
dat soete Kindekijn.
 
 
 
Nv laet ons dancken ende louen,
 
den hooghen Godt van hier bouen,
 
die waerheyt en is niet gheloghen,
 
dat voghelkijn,
 
Een pellicaen mach hy wel heeten,
 
Hy is soo fijn.
 
Te Nazareth soo is hy comen,
 
Een turtelduijue heeft hy vernomen,
 
Die welck ontfinck tot onser vromen,
 
dat voghelkijn.                                     Een Pellicaen.
 
Doen hadde Ioseph die goede,
 
De tortelduyue in sijn hoede,
 
Dat wilde hy, so ick bevroede,
 
Dat vogelkijn.                                     Een Pellicaen.
 
Neghen maenden was hy ghedraghen.
 
Al door die duyue, ten sijn geen sagen
 
Sy aenbaden oock alle daghen
 
Dat voghelkijn.                                     Een Pellicaen.
 
Thuys des paijs had hy wtuercoren,
 
Daer in wast dathy was gheboren,
 
Daer mede hielt hy dat was verloren,
 
Dat vogelkijn.                                     Een Pellicaen.
 
Dus is een Gier nv comen te voren.
 
Ende heues in sijn herte thoren,
 
Ende duchte dat hem noch sal becoren,
 
Dat vogelkijn.                                     Een Pellicaen.
 
Sijn clauwen heeft die Gier ontdaen,
 
Ende wilt begrijpen den Pellicaen
 
Het is om niet, hy ist ontgaen,
 
Dat vogelkijn.                                     Een Pellicaen.
[pagina 38]
[p. 38]
 
Al daer Ioseph lach en sliep
 
Den heylighen Enghel tot hem riep
 
Staet op vliet in Egipten diep
 
Dat vogelkijn.                                     Een Pellicaen.
 
Doen wou die Ghier van rou steruen,
 
Om dat hy des vogelkens moeste deruen,
 
Menich ionck kint dede hy daerom steruen,
 
Dat vogelkyn                                     Een Pellicaen.
 
Als den tyt was ouerleden,
 
Van tweeendertich iaren, t’is waerheden,
 
Track te Ierusalem in die stede,
 
Dat voghelkyn                                     Een Pellicaen.
 
Daer wert gheuaen die Pellicaen,
 
Ende sochte die ionghen metten bloede saen,
 
Wt rechter ootmoet die hem quam aen
 
Dat voghelkijn                                  Een Pellicaen.
 
Nv laet ons bidden wt herten goet
 
Dat hy ons hoede voor die helsche vloet
 
Die voor ons storte sijn roode vloet.
 
Dat vogelkyn                                  Een Pellicaen.
 
 
 
O Iesus bant, o virich brant,
 
V heeft een suyuer maecht plaijsant
 
Met eenen woorde ghewonnen,
 
Dat dede haer deuchdelijck onderstant,
 
Maer hy wort ons hier vremt lant, ghesonghen,
 
Met Enghelsche tonghen.
 
Aue dat woort dat is ghehoort,
 
Te Nazaret al in die poort
 
Al naer des Vaders meenen
 
Die heylighe Gheest hilt met accort,
 
Ons isser een vrucht af comen voort, alleenen
 
Sijn gratie moet hy ons verleenen.
 
Dit edel saet van hoogher daet,
 
Te Bethleem in een huyseken quaet,
[pagina 39]
[p. 39]
 
Lach op die aerde beneden.
 
Twee beesten hielen met hem staet,
 
Ende verwermde ons toeuerlaet, sijn leden,
 
Die Godtheyt was al te vreden.
 
Die Maecht verclaert, en hooch vermaert
 
Bleef veertich daghen onbeswaert,
 
Als ander vrouwen deden,
 
Het was den herderkens gheopenbaert,
 
Sy haesten haer te Bethleem waert, ter steden
 
Met grooter weerdicheden.
 
O Maghet reijn, o edel greyn
 
Ghy zijt ons hulpe, ons troost alleyn,
 
Ick bid v staet ons in staden,
 
Ghy sijt den sondaren int ghemeyn,
 
Een vol vat, dat is certeyn, gheladen,
 
Vol Goddelijcker ghenaden.
 
O roosegaert, van Godt bewaert
 
V gratie is gheopenbaert,
 
In ons tot menighen stonden,
 
Want als die siel ter pijnen vaert,
 
Bidt ghy daer voor sy wort gespaert, van wonden
 
Dat wil ick v oorconden.
 
O suyuer maecht, daer tlicht wt daecht,
 
V groot ootmoet heeft Godt behaecht,
 
Daerom sijt ghy vercoren
 
Adams sonden heeft hy beclaecht
 
Die van v wert onuersaecht, gheboren
 
Om tschaepken dat was verloren.
 
Nv vrolijck singt, sijns gedruckt
 
Dees vreucht ons alle vreucht inbringt
 
Die Moeder bleef Maghet fijn
 
Godt die Heere diet al omringt,
 
Wy bidden hem dat hy onser ghedinckt, in die vre
 
Die swaer sal sijn ende suere.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken

Over dit hoofdstuk/artikel

lied

  • Naar de Nederlandse Liederenbank

  • Naar de Nederlandse Liederenbank

  • Naar de Nederlandse Liederenbank

  • Naar de Nederlandse Liederenbank

  • Naar de Nederlandse Liederenbank

  • Naar de Nederlandse Liederenbank

  • Naar de Nederlandse Liederenbank