Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Dingeman krijt wjukken (1999)

Informatie terzijde

Titelpagina van Dingeman krijt wjukken
Afbeelding van Dingeman krijt wjukkenToon afbeelding van titelpagina van Dingeman krijt wjukken

  • Verantwoording
  • Inhoudsopgave

Downloads

XML (0.24 MB)

tekstbestand






Genre

jeugdliteratuur

Subgenre

roman


In samenwerking met:

(opent in nieuw venster)

© zie Auteursrecht en gebruiksvoorwaarden.

Dingeman krijt wjukken

(1999)–Eppie Dam–rechtenstatus Auteursrechtelijk beschermd

Vorige Volgende
[pagina 89]
[p. 89]

Haadstik 20
Joazef en ik mei gleone koppen yn 'e oven

Tongersdei wie Joazef syn bôle-bak-dei.

Doe't ik de moarns fan 't bêd ôf kaam, wie er yn 'e keuken al drok dwaande om it deech klear te meitsjen. Hy knypte deryn mei syn grutte hannen, krekt salang oant it soepel wie. Doe sloech er it plat en gie deroerhinne mei in houten rôle.

‘Hoe wolst de bôlen ha, Dingeman? Rûn of langwerpich?’

‘Hoefolle bôlen bakst dan?’

‘Normaal trije. No'sto hjir bist, fiif.’

‘Mar hoe lang bliuw ik hjir dan?’

‘Sil ik se rûn dwaan?’ frege Joazef. ‘Rûn docht my tinken oan de sinne. Us leave sinne, dy't alle jierren it graan wer rypje lit.’

Sûnder myn antwurd ôf te wachtsjen makke er rûne hompen fan it deech.

‘Hee, kinst der ek minskegesichten fan meitsje,’ sei ik, ‘mei eagen en in mûle deryn.’

‘Aansent,’ sei Joazef. ‘Earst moat alles noch wer rize. Mar sjoch, ik hie al wat ekstra deech foar dy makke. Meitsje der mar wat fan. Lytse broadsjes of sa. Bernekopkes.’

‘Nee,’ sei ik, ‘ik bou allegear húskes. Dan wurdt it in stêd, en dy yt ik letter op.’

‘Hast sa'n hekel oan de stêd?’

Ik luts oan de skouders.

‘Of wolst der leaver net oer prate.’

‘Soms peste se dy,’ sei ik. ‘Gewoan omdatst ferkearde skuon oan hast of omdat dyn fyts net doocht. Mar as ik oare skuon

[pagina 90]
[p. 90]

oandoch, doge dy wer net. Myn hier is te netsjes, myn T-shirt te saai, se fine altyd wat.’

‘Wat in smearlappen. Kinst net werompeste?’

‘Ja, in stêd fan bôle meitsje. En dan fret ik him hielendal op!’

‘Dat is praat! Hjir hast in pear lytse bakblikjes, oars sakje alle huzen yn. Mar gau oan 'e gong, dan sjogge we dêrnei of de oven hyt is.’

De oven wie al flink waarm, mar noch net gleon. It wie in eigenmakke oven, dy't achter op it hiem stie. Joazef hie him jierren lyn opmitsele út healrûne, fjoerfêste stientsjes. Hy hie itselde model as de glêsbakken by ús yn it winkelsintrum. It wie hast in rûn hûs, mei in skoarstien derop fan blik.

‘Myn eigen bôlefabryk,’ glundere Joazef, ‘mei ien arbeider, dy't tagelyk de direkteur is.’

Hy lei noch in pear turven op it roaster fan de stookromte ûnderyn. Dêrûnder wie in laad foar de jiske.

Midden yn it ovenhûs siet in doarke fan izer. Dêrachter wie it keammerke foar de bôlen.

‘Helje se mar út 'e keuken, Dingeman. Hy begjint no op temperatuer te reitsjen.’

‘Sjoch,’ sei ik doe't ik werom wie, ‘yn twa bôlen ha ik gesichten makke. Sjochst wol wa't dit binne?’

‘Do en jim mem?’

‘Nee ju, do en ik. Us mem hat toch gjin burd? Hjir, dy stoppels ha ik deryn prikt mei in houten foarke.’

‘Do en ik tegearre yn 'e oven,’ lake Joazef. ‘As we mar gjin rúzje krije, mei twa fan dy gleone koppen.’

‘Ik krij gjin rúzje mei dy,’ sei ik. ‘Noait.’

Joazef sei neat. Hy die in grouwe mof oan en makke it doarke iepen. Mei in lange houten leppel skode er de bôlen ien foar ien it keammerke yn. De bôle mei myn gesicht as lêste.

[pagina 91]
[p. 91]


illustratie

[pagina 92]
[p. 92]

‘No, dêr giest, Dingeman! Begjinst al te switten?’

‘Hoe lang moat ik deryn?’

‘Tritich minuten. En dan sille we dy stêd fan dy ris even bakke. Der leit in bakplaat yn 'e keuken. Set dêr de huzen mar op.’

Ik huppele sjongend oer it hiem. Alle hinnen stoden oan 'e kant.

In healoere letter makke Joazef it ovendoarke iepen en prikte mei in breipriem yn 'e bôlen. Se wienen goed gear, sei er. Hy krige de bôle mei myn gesicht der as earste út.

‘Bist moai brún om 't kopke, Dingeman. Tink derom, hear, ik lis dy hjir op 'e tafel.’

Ik mocht mei in sachte kwaste alle bôlen mei wetter bestrike. Dêr begûnen se moai fan te glânzjen, fertelde Joazef. Ik aaide mei sin hiel lichtjes (sis mar: in bytsje pesterich) oer de bôle mei syn gesicht.

Joazef begûn te nokkerjen. Hy sei dat it kidele.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken