Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Dingeman krijt wjukken (1999)

Informatie terzijde

Titelpagina van Dingeman krijt wjukken
Afbeelding van Dingeman krijt wjukkenToon afbeelding van titelpagina van Dingeman krijt wjukken

  • Verantwoording
  • Inhoudsopgave

Downloads

XML (0.24 MB)

tekstbestand






Genre

jeugdliteratuur

Subgenre

roman


In samenwerking met:

(opent in nieuw venster)

© zie Auteursrecht en gebruiksvoorwaarden.

Dingeman krijt wjukken

(1999)–Eppie Dam–rechtenstatus Auteursrechtelijk beschermd

Vorige Volgende
[pagina 105]
[p. 105]

Haadstik 24
Yn 't spier yn Heisterhok De Boer

Doe't ik de freedtemoarns fan 't bêd ôf kaam, wie myn spierpine noch altyd net oer. Ik hie der al twa dagen lest fan hân, en ik wist fansels wol wêr't it fan kaam. Tiisdei wrotte yn 'e Klimkalefater, woansdei skeppe yn 'e grientetún.

‘Moatst aansent mar even nei it Heisterhok,’ sei Joazef. ‘Silst sjen datst dêr fan opknapst.’

Ik begûn te laitsjen, mar ik fernaam oan Joazef dat er it miende.

‘Dy platte loads oan de sydkant fan de skuorre,’ sei er, ‘dat is myn Heisterhok. Yn 'e stêd hyt soks in krachthonk of in fitness-centrum, mar ik neam it myn Heisterhok. Ik ha in pear jier wurk hân om it yn te rjochtsjen, mar doe stie der ek wat.’

‘Do in fitness-sintrum?’

‘Praat my net fan fitness. Dom gedoch. Teminsten ast der spierpakketten mei kweekje wolst. Mar winterdeis krij ik hjir op 'e buorkerij wat minder beweging. Dan krûpt de kjeld yn 'e bonken. Alles wurdt stiver, alles giet trager en dreger. Dêrom ha ik dat Heisterhok betocht, om mysels waarm en linich te hâlden.’

‘Stean der dan tastellen yn?’

‘Ja, en se gean allegear hiel licht. Hast bytiden it gefoel dat sy it wurk dogge yn pleats fan dosels. Mear spieren silst der net fan krije, mar se wurde der wol linich fan. En dan kinst ek wer helder tinke. Want libben yn 'e bonken jout libben yn 'e kop.’

Joazef luts it laad fan de keukentafel iepen.

‘Ik moat hjir noch in beskriuwing fan de tastellen ha. Dy ha ik al ris foar de aardichheid makke. Ja, dit is 'm. Moatst neigean - Heisterhok De Boer. It liket wol reklame.’

[pagina 106]
[p. 106]


illustratie

[pagina 107]
[p. 107]


illustratie

[pagina 108]
[p. 108]

‘Hytsto dan De Boer fan achternamme?’

Joazef seach my oan.

‘Fynst dat raar, Joazef de Boer? No, dan moatst mar tinke: Joazef, de boer.’

‘Mei ik dat papier ris sjen?’

‘Tsjong, ik moat yn in healwize bui west ha. Moatst hearre, Dingeman, ik lês dy foar.’

Joazef gie derby stean.

 
‘Mefrou! Menear! Wêr docht it sear?
 
Hajo lest fan in wankel ankel?
 
In wrakke hakke? In kromme tomme?
 
In slingerfinger? In wibbelknibbel?
 
In klierspier of in kreupheup?
 
Kom nei Heisterhok De Boer.
 
Ien dei en alles is wer oer.
 
 
 
Blessearde fuotbalspilers
 
ferreinde skûtsjesilers,
 
ûnthande hânbôchsjitters,
 
beklomme saunaswitters,
 
beferzen winterskilders
 
en mislearre bodybuilders,
 
meitsje 't jim net langer soer.
 
Allegear yn 't spier...
 
yn Heisterhok De Boer.
 
(Trije kwartsjes. Da's net djoer.)’

Joazef lei it Heisterhok-papier foar my op 'e tafel. Der wienen alve ûnderdielen. Hy hie foar alles nammen betocht en der ek noch dingen by skreaun.

[pagina 109]
[p. 109]

1 It Trapboerd Foar Ien Foet

- Materiaal: in ikehouten spinwiele en in keukenstoel.

- Spieren: fuotspieren, krúsbân, twaling-kûtspier, skynbonkspier.

- Oefening: Gean op 'e stoel sitten. Set de linker of de rjochter foet op it plankje fan de spinwiele. Eagen ticht. Tink oan marsmuzyk, en de foet giet automatys op en del.

 

2 De Hymjende Pedalen

- Materiaal: in âld harmoanium en in oargelkrukje.

- Spieren: sjoch 1.

- Oefening: Krûp op 'e kruk (rjochte rêch). Set de fuotten op de pedalen en lit se wapperje. Pingelje der in wyske by.

 

Sa stie by elk ûnderdiel in ferhaal. Ik fûn de tastellen moai betocht en de beskriuwingen grappich om te lêzen. En foaral de nammen.

 

De Kontsjewipper

De Fuottefeier

De Swypkjende Gatsjepanne

De Krúsling-wipwap Tsjillejeier

It Skommelskip

De Houten Hingelmatte

De Shakespierballebak

De Flugge Fingerfretter

It Haffelhoekje

 

Neidat ik alles lêzen hie, tearde ik it papier op en kaam oerein.

Oan healwei tolven ta wie ik yn 't spier yn Heisterhok De Boer. Ik die it oeral kalm oan.

Sa stiif as in planke wie ik deryn gien, like soepel as in fearke kaam ik der wer út.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken