Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Dingeman krijt wjukken (1999)

Informatie terzijde

Titelpagina van Dingeman krijt wjukken
Afbeelding van Dingeman krijt wjukkenToon afbeelding van titelpagina van Dingeman krijt wjukken

  • Verantwoording
  • Inhoudsopgave

Downloads

XML (0.24 MB)

tekstbestand






Genre

jeugdliteratuur

Subgenre

roman


In samenwerking met:

(opent in nieuw venster)

© zie Auteursrecht en gebruiksvoorwaarden.

Dingeman krijt wjukken

(1999)–Eppie Dam–rechtenstatus Auteursrechtelijk beschermd

Vorige Volgende
[pagina 181]
[p. 181]

Haadstik 39
De do fan Picasso

Op 'e neimiddei (Joazef wie bûten) gie ik mei de klean oan op bêd lizzen. Ik wie slûch en wurch.

Nei in healoerke kaam ik derôf. Ik luts it wite lekken ûnder de tekken wei, tearde it dûbel en sloech it om 'e skouders hinne. Ik krige de punten fan it lekken beet, en mei de earms op en del bewegend, huppele ik troch de sliepkeamer.

In pear kear gie ik op bêd stean en fladdere nei ûnderen.

Dêrnei fleach ik fan de soudertrep ôf.

Mei it lekken as in kleed om my hinne rûn ik werom nei de sliepkeamer. Ik skode de stoel by it rút, makke it iepen en klom der trochhinne. Mei de rêch tsjin it pandak liet ik my sakje en sette de hakken yn 'e daksgoate.

Dêr gie ik rjochtoerein stean, mei de wjukken wiidút, krekt as de do fan Picasso.

‘Joazef!’ rôp ik hiel hurd. ‘Joazef, moatst komme!’

Joazef wie hiel lyts, hy prate sacht.

‘Dingeman,’ sei er. ‘Dingeman, nee.’

‘Moatst sjen, Joazef, ik ha gjin lêst fan djiptefrees. Dat hasto my leard.’

‘Dingeman, nee.’

‘Moatst sjen, hear, aansent flean ik.’

‘Dingeman, stean bliuwe.’

‘Leaust net dat ik fleane kin? Sjoch dan nei myn wjukken. Ik bin in lekkenswever.’

‘Dingeman, ast dêr net steanbliuwst, doch ik dy wat.’

‘Earst belove dat ik hjir wenjen bliuwe mei.’

[pagina 182]
[p. 182]

‘Dingeman, do bliuwst dêr stean, ik bin sa by dy.’

‘Beloofst it?’

‘Nee.’

‘Ik spring, hear!’

‘Stean bliuwe! Wolst dea?’

‘Ien... twaaa...’

‘Okee!’

‘Beloofd?’

‘Beloofd.’

‘Earst sizze. Ik, Joazef Kingma, beloof dat Dingeman de Koning by my wenjen bliuwe mei. Sis dan.’

‘Ik, Joazef de Koning, beloof...’

‘Nee, goed sizze. Ik, Joazef Kingma, beloof... Toe dan.’

‘Ik, Joazef Kingma, beloof...’

‘Fierder...’

‘...dat Dingeman de Koning by my wenjen bliuwe mei.’

Ik liet de wjukken sakje. Sa bleau ik stokstiif yn 'e daksgoate stean. Mei de holle yn 'e nekke stoarre ik nei de wite loft.

Twa tellen letter stie Joazef by it sliepkeamersrút.

‘No kalm omdraaie,’ sei er. ‘Goed witte watst dochst. Toe mar, krij my mar beet. Noait loslitte!’

Sa luts er my omheech en holp my troch it rút. Hy drukte my stiif tsjin him oan. Syn hiele liif trille deroer. It wie krekt as moast er skrieme.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken