Christeliicken waerseggher

Cap. I.
Veurnemenste meyninghe deser Rolle.

WAnt de meyninghe ende veur-nemen van dusdanighen vondt is, op dat de ghene die t'belieft, deur sulcken goeden ende heughelijcken middel, tot het lesen van d'een Capitel oft d'ander (soo't vallen sal) met ghenoeghte te brenghe: ende soete

[p. 354]

oorsaecke van meerder deught, met bevalligheydt ter handt te doen. Om alsoo, deur alle behendigheydt ende sachten middel, te beter het officie van een goedt Christen te vol-comen: ende een goedt nae-schilder van d'leuen Christi te worden. Want het staet qualijck, ende is de conste te cort ghedaen, datmen haers niet met allen en can: ende dat een schilder in sijn tafereel, als een Christen in sijn hert en leuen, eenighe monstre naebeldt, in de plaets van d'beldt ons Heeren daar in te schilderen.