Oratio VII.
Vt mediis ad salutem concessis benè vtamur.
CVm nihil oderis, Domine, eorum quae fecisti, sed vt finem quaeque suum consequantur, media omnia ad id conuenientia mirabili sunt à te ordine distributa, vt praeter sacrosancta salutis nostrae remedia, etiam creaturae singulae, & momenta temporum vniuersa, & euenta cuncta, etiam aduersa, huius tuae dispositionis sint administra: Aperi nobis sensum & oculos, & manus nostras erudi; vt in omnibus proficiendi occasionem contemplantes, eam mente manuque amplexemur, quò & hîc piè viuamus, & gloriam postea consequamur aeternam. Per Christum Dominum nostrum. Amen.
Auteursrechtvrij