Eduard de Dene. Testament rhetoricael

⁺ Begravynghe

Myn dood lichaeme / zynde van weerden gheene
datmer me bedryfue gheen pompeuse maniere
maer commet zoo / begraue / met een costken cleene
te wetene tsint ianshuus inde Carniere
Tcruce christi / zy myn standaert / en voor Baniere

+ 12 v

[p. 51]

 

Ryck oom doodt zynde / een vanden brugsche publicanen

 

Waer begraeven? / vp tghewyde niet / zoud Ic wanen⁺

 

Neen waeromme / hy was openbaer wouckeraere

10

Wats dan / de crucen / ghaen zomtyds wel voor de vanen

 

Light hy inder eerden / hy heeft plaetse waert waere

 

EerdeRycke / es god des heeren / gheel teenegaere

 

en de vulheyt van dien Al ghelyck van weerden

 

Laet de doo / de doo begrauen / int openbaere

15

al hadhy gheweist symoniacq int Claere

 

Giezite moordenaere // Afgodiste tooueraere

 

of die metten ouerspeelders / hueren naesten deerden

 

Tlichaem was huter eerden / tmoeste weder inder eerden

 

 

 

Veel Eerdsche pomp ick niet en begheere

20

Thelpt de Leuende meer dan de dooden ziet

 

datmer eenne vroylicke maeltydt smeere

 

dat bid ick te achterlatene emmers niet

 

Behoudens / datmer den aermen metdeelne Biedt

 

 

 

Sterf Ick vooren / zo en wordtter gheen kiesen

25

en myn weduwe darf niet te min verhueghen

 

Want zou en zal zekerlick niet meer verliesen

 

Schick ick dan vier lieden draeghen mueghen

 

Wat vviltse veel traenooghen Slomme tueghen

 

 

 

Dectze my met fluweele / eens naer myn doodt

30

gheen zarck of ander stoffe begheer ick vp tlyf

 

Twaer gheel verloren cost / wat waert oock noodt

 

naect quam ic ter weerelt / en scheeder huut bloodt

 

Nietmin / stelt ter discretie van die eens was myn wyf /

 

 

 

⁺ Zeere veel schuldenaeren om tzyne onverduldich

 

en zullen myn / weduwe niet breken thooft

 

als ick tghelt ghaf Betaeld ick ghehuldich

 

ende dat ick oock bem niet vele schuldich

5

dat comt by ick en was noyndt veel ghelooft

 

 

 

Eeneghe zegghen Als de mensschen steruen

 

hoe Rycke hoe machtich zy zyn voorwaer

 

van goede van ghelde Van gronde van erfuen

 

ter weerelt moeten zyt al laeten daer

10

Tes al ghaet vooren / wy volghen naer

 

 

 

Maer Ick hope tzal anders met my gheschien

 

dat ick myn gheestlick ghelooue zal mede draeghen

 

twelcke van gheenen menssche zal worden ghezien

 

ende achterlaeten / noch meer bouen dien

15

dan voor duust guldens iuweelen en baeghen

+ .26. April 1558.

+ 13 r