Eduard de Dene. Testament rhetoricael (1976-1980)

Eduard de Dene. Testament rhetoricael

(1976-1980)–Eduard de Dene– rechtenstatus

Auteursrechtelijk beschermd

Vorige Volgende


Ga naar margenoot+ Refereyn God Vadere Een god. esser / Een doopsels / ende Een ghelooue Een god die ons alder eerst wilde beminnen 5[regelnummer] een god / die gheneest Blende Crepel en dooue een alleene god gheuer van onse vyf zinnen een god / die onse vyanden Can sterck verwinnen een god wiens wille wy niet mueghen wederstaen een Rycke gheuer wiens Rycdom blyft zonder dinnen 10[regelnummer] een god / die int helich helighe / es eens ingheghaen een god van wien wy zullen tsamen oordeel ontfaen ofte vvy worden behouden / of verdomt ghescreuen Een god die ons zal ouercommen zaen een god die zal bouen Eeuvvicheyt Leuen 15[regelnummer] een god voor wien hemel / eerdsch / end helsche beuen Ons hope stercte toevlucht / in al ons ghequel een god die al dat leeft / heeft tleuen ghegheuen een god diet al vuldaen heeft / ende nyemandt el Een god wien alle dynghen zyn mueghelick wel 20[regelnummer] een god die metten mensschen heeft ter weerelt verkeert een god oetmoedich Totter crucen doodt niet Rebel vvech vvaerheyt ende Leuen / die ons vaderlick Leert Een god van neghen Chooren der inghelen gheEert Een god in Wiens handen zyn onse Tyden 25[regelnummer] een god / wiens bermherticheyt / ouer ons es vermeert een god die voor ons de bitter doodt wilde Lyden een god daer alle Rechtueerdighe in verblyden Een god / die zeght / ick bem die heere / dats myn name vreest niet / betraut / met hu bem ick zonder vermyden 30[regelnummer] gheen andren zal ick gheuen myn eere Eersame voor my en es gheen god ghemaect bequame en naer my en zal wesen gheen in memorie zyn dit de woorden gods dan Alsoot betame Alleene zy god / Eere ende glorie Ga naar margenoot+ Ghebenedydt zy dan god den heere almachtich danck grootheyt / eere / macht behoort hu alleene vvant watter zy in dhemel / Tes huwe hoe crachtich en watter oock vpder eerden es / groot ende Cleene
[pagina 77]
5[regelnummer] Bouen allen princhen / zyt ghy verheuen Reene alder dynghen ghebod / es gheel // in huwe handt ouer al hebt ghy die heerschappie ghemeene vvant hebbet al ghemaect / Eerde zee ende zant ghy zyt der zonden vergheuer / dit ken ick / want 10[regelnummer] zyt alleene god der goden / daer elck naer haect gheen ander esser inden hemel / noch oock in tlandt god die ghesproken hebt / end alle dynck es ghemaect een ghetrauwe god / die tonswaerts Liefmoedich blaect god zachtmoedich ghenadich vul paeys en vrede 15[regelnummer] een god Rechtueerdich / Want duer den psalmiste spraect Myn Rechter handt es vul Rechtueerdichede tsdoods macht hebt ghy alleene / ende tsleuens mede die wondren doet / en zyt in bermherticheyt Rycke die openbaer zult oordeelen / in tyden / en stede 20[regelnummer] zoo ghy dat hebt voorzien / want gheen huwer ghelycke wie esser god dan / die zonder den heere Blycke of vvie esser god / Zonder onsen god voorwaer dan ghy / god vviens wille binden eerdschen dycke alsoo als inden hemel moet gheschieden daer 25[regelnummer] En dien god die in onslieden werct eenpaer beede twillen / ende oock tvulbrynghen goet dus wat ghy doet in werck in woorden / menssche claer dat inden naeme des heeren iesu Christi doet gode danckende van zynder gracien vloedt 30[regelnummer] Eerende zyn testaments Ciborie gheeft god dies bouen al eere / met cloucker moet Alleene zy god / Eere ende glorie Hoe mueght ghylieden gheloouen / het es onmueghelick die glorie wilt van elck anderen ontfanghen 35[regelnummer] En die glorie alleene / van gode hueghelick / Ga naar margenoot+ en zouct ghij niet / dies ghaet veel dolende ghanghen hoort dan / ghy vul wederspooricheyt bevanghen gode vreesen / Eeren / dienen / Alleene zult gy die naer ons zalicheyt durst / end heeft groot verlanghen 5[regelnummer] en gheen ander god / dit zelue zo beveelt hy vvant met beschaemtheyt / beschaemt moeten worden zy die in ghegroufde en gheghoten afgoden betrauwen maer die belaeden zyt Roupt christus Comme tot my hulieden zal ick vermaecken in al dyn verflauvven 10[regelnummer] deerste en de laetste zalmen my eeuvvich schauvven en behoudens my En esser gheenen god ziet keert hu tmywaerts / zalicheyt zal hu bedauvven verzucht / huwer zonden / zal ick meer ghedijncken niet van god den heere ons Lichamelick voedsel gheschiet 15[regelnummer] al ons behouften ziet hy met een ooghemerck
[pagina 78]
ierusalem en syon / Lof dyn heere dan biedt vvant hy huwer poorten sloten / ghemaect heeft sterck vvie vp god niet en stelt zynder herten werck vp dat hy eere gheue / zynen name ghepresen 20[regelnummer] zulcken zal hy Aermoe zenden in tsweerelts Perck end huer ghebenedyden zal vermalendydt vvesen vvant een menssche niet ontfanghen mach / zoo vvy lesen ten zy dat hem huten hemel ghegheuen word vves dan die in egipten zyt neder gheResen 25[regelnummer] vp veel waghens ende peerden hu Betrau vpgheschort hulpe zouckende daer broosch onverghanghelick Cort ende niet ter ierusalemscher Consistorie vvant tmoet zyn (dat) wie doogoden met eere gordt Alleene zy god / Eere ende glorie 30[regelnummer] O god Vadre VVie hem verheft zal worden vernedert vvie hem vernedert verheuen zal tryumpheren end al waer een totten hemel om vlieghen ghevedert met Lucifer zal zulcx hooghvlieghen Cesseren 35[regelnummer] vvant glorie int hooghste moetmen god ordonneren Ga naar margenoot+ en ghenedert zyn / die van hem zeluen beRommen dus betrauvvende in god / moeten wy Contempleren dat yet om dyncken / niet van ons zeluen mach Commen maer huut god gracygheuer der hooghster Rycdommen 5[regelnummer] die ons zynen goeden inghel noch zendt omtrent die ons / die vroylick ten hemel es vpgheclommen bequame dienaers ghemaect heeft van tnieu testament Niet des letters verstaet / maer des gheests bekent vvant den gheest maect Leuendich / maer de lettre dood 10[regelnummer] // dus ghy hooghmoedighe dit wel int herte prent en doet in huwen zin gheen houeerdich exploot vvilt hebben in hu woorden gheen heerschappie groot noch begheerlick zyt naer ydel glorie voort an houeerdicheyt / es tbeghinsel der zonden noodt 15[regelnummer] vvant in houeerde deerste verdommenesse beghan end al waert dat yemandt onser vulbrynghen Can dat ons beuolen es / By gods bescreuen Rechten Ten baet niet / Oetmoedelicke moeten nochtan belyden / dat vvy zyn onproffytlicke knechten 20[regelnummer] dus elck vville zyn handen te godewaerts vlechtenGa naar voetnoot* / dat hy ons ghenese voor dhelssche Mortorie vvy zegghen vastgheloofuich / al zoud wyr om vechten Alleene zy god / Eere ende glorie	margenoot+ 28 v margenoot+ 29 r margenoot+ 29 v margenoot+ 30 r voetnoot* Oorspronkelijk ‘vpRechten’, dat doorgehaald is; ‘vlechten /’ werd erboven geschreven.

Vorige Volgende