Eduard de Dene. Testament rhetoricael

[p. 81]

⁺ Refereyn
God helich Gheest

Lof zendynghe tsvaders in ghenadegher stonde
vvesen onvullouelick zynde ten gronde
O helich gheest Wonderlick dominerende
gheestich Inspireirdere / die huten monde
des vaders ende tzuens zyt procederende
gheest die openbaert ende zyt instruerende
den treyn onser zalicheyt ende memorie
hertelick Leedsman / die zyt Arriuerende
de zielen ten Rechten weghe en glorie
omRynghen der Reyn Maegdelicxste ciborie
de welcke maria was / vulmaecte oetmoedt
in wien ghy god menssche / hielpt tonser victorie
formeren / van huer hertsen zuverste bloedt
gheest / die waer ghy wilt / huwe gheesticheyt doet
ongrondelicke forme / als duue vlerckende⁺
dies zegh ick hu / die dyn werck hemelick voedt
Lof / helich gheest / alder wonderlicxt werckende

Lof puer hulpsamich gheest van ons cranck wesen⁺
ghy een van drien zynde / Noch bouen desen
die inden hemel ghetughe zyn gheuende⁺
gheest / die christum hebt vander doodt verResen⁺
end ons^* doo Lichaemen / zult oock maecken leuende
gheest / daer ghy zyt / Es vryheyt Ancleuende⁺
gheest zoeter dan huenich / miltste van gratien⁺
voor wien dat Antechrist zal worden beuende⁺
Lof gheest die vervult hebt des weerelts statien⁺
gheest principael / gheest van Confortacien⁺
gheest als zuver watere / die zonden verdryft⁺
gheest in wiens name diueerssche natien
men doopt / en ghedoopt zyn / twelck zonde Afwryft
⁺ Elcx apostel ingien hadt gheRynghe verstyft⁺
doe ghij quaemt in vieregher tonghen sperckende
dies zegh Ick noch ter eeren / die waert end eeuvvich blyft
Lof helich gheest Alder wonderlicxst werckende

Lof gheest die alle quaede begheerten verdwynt
die ons onwetentheyt Wetelick duerschynt
die kendt alle dynghen wonderlick Artiste⁺
Want dauid die was een vechtende kyndt

+ 31 v

+ Iohan/3

+ Roma/8

+ Apo/5.

+ Roma/8

* Oorspronkelijk ‘oock’, dat doorgehaald is; ‘ons’ interlineair toegevoegd.

+ .2.corin. 3.

+ Eccli. 24.

+ .2. thessa/3

+ Sapien primo

+ Psal. 50.

+ Ezech. 36

+ 32 r

+ Actuum. 2.

+ Sapien 7 et 9.

[p. 82]

 

ghemaect hebt / der heligher kercke Psalmiste^+*

10

ende mattheum een groot Euangeliste

 

die een publicaen was / voorts daniel mede

 

Ionck Iuge / die wel te vonnessene wiste

 

tonRecht / dwelcke men Susanna andede

 

Amos den heerdere / van onwyser snede

15

hebt ghij ghemaect Een prophete openbaerlick

 

ende pieter die visscher was (in Ruder zede)

 

ghemaect een prinche der apostolen claerlick

 

Paulum der kercke persequeerdere zwaerlick

 

een Leerare tsvolcx / en gods wet versterckende

20

hier by ghemerct / moet ick noch zegghen Eenpaerlick

 

Lof helich gheest / alder wonderlicxt werckende

 

 

 

Princelick

 

 

 

Ons ghegheuen gheest / duer wien ghereedt⁺

 

gods Liefde / es in ons alder herte ghespreedt

25

Bemindere die gods gheboden niet slaecken

 

gheeft wien datmen vadere der aermen heet

 

en zoetste vercoelen int onReynich Blaecken

 

Bemindere voorts van die paeyselick waecken

 

gheest die dhemelen ghesyn hebt verchierende

30

gheest die ons tbezouck van mistaerlicke zaecken⁺

 

end oock der diepten gods / zyt doen hanthierende

 

gheest goedertiere / huwen voys stierende⁺

 

^+* duer Ezechiel / hoe ghy niet en begheerdt

 

tsghuendts doodt die zondelick es Logierende

 

maer meest dat hy hem om bekeeren gheneerdt

 

Och gods Rechte vyngher dan / slaett tdoodelick zvveerd

5

vvy willen bekeerlick zyn thuwaerts zwerckende

 

noch oetmoedelick zegghende / als diet zyt weerd

 

Lof helich gheest Alder wonderlicxt Werckende

+ Gregorius super Ezechielem

* In de linker rand is een kronkelende lijn getrokken tot r. 18.

+ Roma/.5

+ Iob/36 ende .37.

+ 1. Corin. 5.

+ 32 v

* Fol. 32 v, r. 15-18 onderstreept.