Eduard de Dene. Testament rhetoricael

Refereyn
Voor dhandt ghemaect
Naer thende durstich ghehaect /

O hemelsch vadere / Een god alleene machtich
Rechtueerdich Bermhertich ouer israel crachtich
hooghst dominateur in hemel ende eerde
beghin onhendelick eeuvvich eeuvvich warachtich
die oyndt duer hu zeluen / Bermherticheyt begheerde
⁺ Troonhouder drievuldich glorieux in weerde
O myn ziele thuwaerts nv kniebughelick keert
vp dat ick hu milde bermherticheyt Anveerde
die bouen al hu wercken es wonderlick vermeert
hu bermherticheyt te kennene / heere god Leert
Insturt my den gheest / dat ick die wel can verstaen
hu name wordtter by int ghelooue GheEert^*
Om^** vruchten der Liefden in my mueghen ontfaen
hu bermherticheyt heere / ouer ons wel ghedaen
Midswelcken In tbouck des leuens zyn ghescreuen
bouen al dat bermhertich zy / zonder verghaen
Hu bermherticheyt. heere / Es beter dan tleuen

Hu Bermherticheyt heere Als gemme precieux
es ouer ons blynckende claer victorieux^***
ghenadichste verblydynghe ten hemel Binnen
hu moeten eeuvvich louen / die blyft glorieux
de hemelssche ierachie / metten seraphinnen
O heere hu bermherticheyt Laet my ghewinnen
die vergroodt^**** verbreed es Totten hemele daer
end huwe waerheyt / tot inde wolcken beghinnen
hu bermherticheyt heere / volght ons eeuwelick naer
met dauid wil ick dus vastgheloouich claer
inder eeuvvicheyt hu Bermherticheyt zynghen
myn herte esser gheel toe bereedt voorwaer
als een van hu ierusalemsche ionghelynghen
hu bermherticheyt heere Laet my die omRynghen
al stonder Ieghens my duusent niet zal ick beuen
hu bermherticheyt heere / Regiert alle dynghen
Hu bermherticheyt heere / es beter dan tleuen

Dauid de psalmiste neimt al zyn fundatie

+ 36 r

* Oorspronkelijk ‘vr’, waarover ‘G’ geschreven is.

** Oorspronkelijk een tweede ‘om’, dat doorgehaald is.

*** Inktvlek over ‘v’.

**** ‘d’ is lichtjes doorgehaald met andere inkt.

[p. 89]

 

heer vp hu Bermherticheyt speciael gratie

 

als thende vander hope / hu wel eeuvvich by

 

duer hu bermherticheyt hebben wy Regnatie

 

heere / al doodet my / noch zal ic hopen vry

35

myn leedsman myn toevlucht / en beschermer zyt ghy

 

duer iesum Christum ghedaen veel bermherticheden

 

⁺ hu Bermherticheyt es cause / dit kennende vvy

 

ghy ons hooft zyt / ende wy ghemaect hu leden

 

erfghenamen dyns Rycke in dhemelssche steden

 

om vervullen der verworpelynghen Ruine

5

hu bermherticheyt schict ons inden wech der vreden

 

naer hu bermherticheyt hopen tallen termine

 

alwaer ick ghestelt hier om eeuvvich te zyne

 

ende my de kiesynghe waere ghegheuen

 

van hu bermherticheyt of tleuen / ziet ten fine

10

Hu bermherticheyt heere / Es beter dan tleuen

 

 

 

Prinche

 

 

 

Rechtueerdich Bermhertich god omnipotent

 

die de herten der mensschen duerziet en kendt

 

hu bermherticheyt inder eeuvvicheden gheduert

15

duer hu bermherticheyt tgheheele firmament

 

des hemels gheRegiert wordt zoo ghewilleCuert

 

den Chyrographbrief es in sticken gheschuert

 

die ieghens onslieden ghescreuen was breedt

 

duer hu bermherticheyt ierusalem sterck bemuert

20

duer hu bermherticheyt zyn ons veel wuensten bereedt

 

duer hu bermherticheyt anghedaen tmensschelick Cleedt

 

daer inne ghy onslieden vvildet maecken zaelich

 

hu Bermherticheyt heere / wat gratien ick weet

 

es beter / dan al watmen mach vvesen verhaelich

25

Tonsen trooste / ende steruende principaelich

 

hu Rechtueerde puniert / maer ieghens tzondich sneuen

 

eer de schichten des doods / vp ons zyn nederdaelich

 

Hu bermherticheyt heere / Es beter dan tleuen

+ 36 v