Eduard de Dene. Testament rhetoricael

TLof A.^o .1552.

Lof Woord vanden vader / zonder beghin onghehendt
vvelck woord dat onsen god es omnipotent
al watter es present // heeft duer twoord zyn wesen
dat woord es worden vleesch / in maria beghendt
midsgaders huer Reyn / maegdlick oetmoedich consent
duer twoord excellent // es ons zalicheyt gheresen
dat tlicht des leuens / tsmensschen voedsel ghepresen
maer de duusterheyt verknesen // heeft dat woord veracht
daerom ghetuught iohannes / zoo wy schriftlic Lesen
god quam in zyn eeghindom / prysweerdich in desen
om zyn volck te verlossene huut tsvyands macht
// dit woord es een spyse van zo grooter cracht
zo dat straft / onderwysende den nacht der zonden
een verzaetheyt voor den hongheren diet hopelick verwacht
inder zielen ghenesende onReyne doodwonden
ons daeghlicx broodt ghegheuen tot allen stonden
vul smaecken der goeder onderwysynghe
dies mueghen wel belyden dan met herten monden
zuver onbevlect
Lof brood der Inghelen / onser zielen spysynghe
god en menssche perfect
Sacramentlick / onder een cleen hostie bedect

Lof warachtich Brood / ons huten hemel ghedaelt

[p. 102]

 

Lof voedtsel der zielen / die onse schult huutstraelt

 

⁺ van adam en betaelt // met huwer passyen stranck

 

Lof warachteghen dranck // die niet en verschaelt

 

Lof manna ouervloedich / dwelck nemmermeer en faelt

 

maer vvie in zonden dvvaelt // gheeft kennesse eer Lanck

5

Lof spyse der ghelooueghen om tzijne vry en vranck

 

Lof dranck des nieuwen most / Christus precieux bloedt

 

Lof vvarachtich god / onder spetie des broods ontfanck

 

vvaer duer die sterflicheyt heeft eennen toeghanck

 

onsterflick te verRysene / in dat eeuvvich goedt

10

Lof aercke van noe / alder zaelichste behoedt

 

waer by wy behouden zyn Al tsaemen ghemeene

 

Lof Abrahams betrauwen / hope zin ende Moet

 

lof toonbrood twelck dauid was nuttende Reene

 

Lof warachtich god en menssche / onder dhostie cleene

15

zuver paeschlam van israel dyns volcx verIolysynghe

 

Lof zalichste voedsels / end anderssins gheene

 

dies in alle Landt

 

Lof broodt der Inghelen / onser zielen spysynghe

 

metter Liefden handt

20

Sacramentlick ons ghegheuen bouen mensschens verstandt

 

 

 

Al dat leeft ofte Roert inden name des heeren

 

Inglen / mensschen dieren Leeuwen draken Beeren

 

wilt Eeren // huwen scepper / dyn voeder int leuen

 

vueglen visschen cruden helpt mynen lof vermeeren

25

ghy zienlick onzienlicke creatueren wilt Leeren

 

waer ghy mueght keeren // kennen dyn voedsel beseuen

 

ziet pharao verhart / end israel es ghegheuen

 

den wech duer twater der zee zeer Crachtich

 

Samarien es verlost van des honghers sneuen

30

helias coucxken es onverghanghelick bleuen

 

totten hemel ontsloten wierd dit es warachtich

 

Claer water huten steen es nv elck deelachtich

 

Iherico onverwinlic light plats neder en bloodt

 

duer de cracht dyns woords O god almachtich

35

goliath es verwonnen en holofernis versmachtich

 

met sisara Abimelech in schandelicker doodt /

 

⁺ ons vyanden zyn verwonnen Christus brekende tbroodt

 

Int avendmael des nieu testaments vpRysynghe

 

tot een eeuvvich voedsel / onser zielen ter noodt

 

tot thende des weerelts huut veel Liefden groot

5

dies mynen gheest noch vvect^*

 

Lof Brood der Inghelen onser zielen spysynghe

 

god en menssche perfect /

+ 44 v

+ 45 r

* ‘weere’ doorgehaald; ‘vvect’ erna geschreven.

[p. 103]

 

Sacramentlic / onder een cleen hostie bedect /

 

 

 

Lof Warachtich princhier bouen andre Regierende

10

Lof princhelick Ioseph dyn volck dispensierende

 

met dat onverganclic broodt der zielen voedsele

 

Lof warachtich belyd / dwelck petrus was Cryhierende

 

ghy zyt de zuene gods met cracht duervierende /

 

en stierende // huwen gheest / vul duechdlicx bevroedsele

15

vp allen vleessche / tot des mensschen verzoetsele

 

waer duer hu menich groetsele // Es goddelick pylaer

 

vvant wie hu warachtich belyd in tsvolcx ghemoetsele

 

niet vreesende tvervolgh / of dafgodlick ghebroedsele

 

dien zal ick belyden voor mynen vadre Eerbaer

20

zeght christus en verzaet worden hier end hier naer

 

helle doodt tsvyands ghebaer // met haer afgrysynghe

 

zal de zulcke niet hindren / maer huut Liefden claer

 

gheeft ghy ons hu eeghin zuene tot een spyse voorwaer

 

Lof brood der inghelen / onser zielen spysynghe

25

metter liefden handt

 

Sacramentlick / ons ghegheuen / bouen mensschens verstandt