Eduard de Dene. Testament rhetoricael

[p. 106]

Refereyn

⁺ Catherina Barbara en Magdaleene
met Lydene zyn zy In gods Rycke gherocht
tes waer / maer van drien wil ick nemen Eene
daer den helighen gheest / meerst in heeft ghewrocht
Ende dats magdalena / Schriftuerlick bezocht
die met zeuen vyanden was eerst bezeten
dats zeuen doodzonden / doe in huer gheCnocht
die gheRasschelick wierden der huut ghesmeten
By wien / duer tshelichs gheest stercke secreten
die huer met zyn Raeyen verlicht heeft tverstandt
vvant anders en hadse niet connen gheweten
dat veel zondich besmetten in huer was gheplant
dies blaecte in huer vierich der kennessen brandt
ende volgde Christum / om gratie verstercken
Magdalena Lydtsamich duer tshelichs gheest wercken

Den helighen gheest hem meerst in huer moeyde
zou die eerst was vloeyende vul der mesdaeden
dat gratie daer naer in huer ouervloeyde
zo datse verwarf gods groote ghenaeden
vvant dhelighen gheest heeft huer gheRaeden
te worpen af tsduusterheyts wercken zwaer
dies huer leden ghevought / eerst tot tzondich verzaeden
heeft die leden ghevought wel / tot duechden claer
huer ooghen eerst kiesende wulpscheyt eenpaer
die hebben beschuldeghe traenen ghegheuen
end hoe zou hier mesdreghen heeft in huer haer
heefter Christus voeten me ghedrooght int Leuen
metter mondt eerst houeerdeghe spraecke bedreuen
zyn voeten oetmoedich ghecust vvildhy mercken
Magdalena lydzaemich duer tshelichs gheest wercken

Huer ooren die gheerne eerst ydelheyt hoorden
oft alle belemmerde eerdsche Treken
die heeft ze gheopent / om hooren gods woorden
en voor hem ghezeten / als hy wilde preken
huer tonghe die zou voormaels de lichticheyt spreken
die heeft zichtent gods name ghebenedydt
der Apostelen apostolinne ghebleken

+ 47 r

[p. 107]

 

⁺ ia gheleerde predicante die eeuvvich verblydt

 

huer handen die zou eerst in voorledene tydt

 

tot pompeuse cleedynghen heeft ghehanthiert

 

daer heeft ze ghewasschen me / zonder Respyt

5

Christus bloote voeten / zebaer ghemaniert

 

huer gheel Lichaeme heeft ze gheenssins gheviert

 

maer weenende / vercoelt voor zondeghe spercken

 

Magdalena lydtzamich duer tshelichs gheest Wercken

 

 

 

Prinche

 

 

10

Dhelighen gheest in dese princhesse

 

heeft wel ouervloedich ghewrocht warachtich

 

dat zou / die was openbaer zondaresse

 

zo vierich liep naer christum / niet anders voordachtich

 

bekennende dat hy was mueghende machtich

15

huer zonden te vergheuene / hoe veel oft hoe quaet

 

zoot ghebuerde duer zyne goe woorden Crachtich

 

ende met penitentie ghecreegh zou Aflaet

 

doe doende verblyden der inghelen staet

 

vvant dInghels verblyden meer cleen ende groot

20

vp een zondaere die penitentie Anghaet

 

dan vp veel Rechtueerdeghe / die gheen hebbende noodt

 

huers bekeeren / verclaerst Teuangelion bloodt

 

ghehouden by ons moeder der heligher kercken

 

Magdalena lydtzamich duer tshelichs gheest wercken

+ 47 v