Eduard de Dene. Testament rhetoricael

Mannen vanden boghaerdisten
datse die bewaeren met Listen
Ion ick tnaervolghende / vergheeft / die misten

God almachtich god der goden Abrahams god crachtich
zal nyemandt ongheloont laeten tgheenen tyden
die hem dienen in zyn ledekens vpRecht eendrachtich
dats die den aermen bystandicheyt doen warachtich
zal hy naermaels metten hemelsschen loon verblyden
vvant Christus god en menssche wilde zelue belyden
zo wat ghy een van dese myne minste doet
Te wetene den Aermen in dit eerdsch stryden
dat zyt ghy my doende / ende thuwer spoet
Cleed of spyst ghy den aermen / my cleedt ghy ende voedt
als bermhertich werck daer ick in neme behaeghen
// vvant tes een werck der liefden / om winnen thooghste goedt
daer christus int oordeel zal meerst naer vraeghen
dus ouerghemerct dan / By nachten ende daeghen
die mannen ghestelt zyt / tot tsboghaerds Regieren
Clouck zonder versaeghen // In hu tyden en iaeren
Helpt neerstich desen boghaerdt der ionghe scholieren
Zoorghfuldich Bewaeren

Tes hueghelick met een zoorghfuldelick pleghen
den heere te dienene zoo in zyn Leden
dat es tot zynen aermen goetionstich gheneghen
vphelpende / huute veel dolende weghen
en brynghende tot Christenlicke wetentheden
den aermen scholierkens der brugscher steden
zonderlynghe // doende behulpeghe Bystandt /

[p. 116]

 

⁺ voor de welcke / huut ghemeene aelmoessenen ghebeden

 

desen boghaerdt der Leerynghen es gheplant

 

Begroet die der toe mueghen steken de handt

 

verwect tot charitaten / Tvolck buten en binnen

5

hebt sterck neerstich ooghenmerck an elcken Cant

 

ende wat den boghaerd deeren mach helpet verwinnen

 

Bemindt ghy christus leden / thooft zal hu beminnen

 

ende naermaels met hemelsscher glorien verchieren

 

dies met al hu zinnen // Als gods liefste Caeren

10

Helpt neerstich den boghaerd der ionghe scholieren

 

Zoorghfuldich Bewaeren /

 

 

 

Om tsghebods wille doet den aermen duecht

 

ende Laet der aermen kynderkens doch niet verghaen

 

helptse vpspannen inne der Leerynghen Iuecht

15

voorzietse en beschermtse Zoo ghylieden best muecht

 

vvilt de ongheleerde dolende Liefmoedich bystaen

 

laet therte van Compassyen zyn openghedaen

 

hu herte zeghelt niet vpder Pennynghen scrine

 

die wel dienen / verwerfuen huerer zielen zaen

20

eennen goeden staet / ende groote vryheyt ten fine

 

int ghelooue in iesu Christo te zyne

 

groot verghelder watmen duer hem doet ghehuldich

 

zyn dienst en mach nyemandt wesen gheen pyne

 

vvant wy hem niet dan dienst huut Liefden zyn schuldich

25

om secoursen zyne aerme Ledekens verduldich

 

die schamel ongheghoedt^* zyn / in tsweerelts duwieren

 

dies menichfuldich // Voor tempeestich bezwaeren

 

Helpt neerstich desen boghaerdt der Ionghe scholieren

 

Zoorghfuldich bewaeren

 

 

30

Princhelicke

 

 

 

Fameuse Commysen bequame

 

Rechtzinnich wel ghewillich zyt standvast bleuen

 

⁺ Anveerdt huwen dienst des boghaerds bequame

 

naer dit leuen // zal ghescreuen zyn huwe Name

 

claerlick int bouck des eeuwichs eeuwich leuen

 

wilt den dienst metter herten gheenssins begheuen

5

al eist dat dyn saeysoens dienst mach nemen hendt

 

vermaent sticht Byden Redenen voorscreuen

 

standvastlick den scholierkens te blyfuene omtrent

 

Nv end eeuwich tallen tyden weest doch diligent

 

om dees boghaerd met voorzieneghe discretie bespoeyen

+ 53 r

* Na ‘onghegoedt’ ‘in’ geschrapt.

+ 53 v

[p. 117]

10

inde welcke mueghen / Als ter gods eere ghespent

 

Rype vruchtbaer mannelicke boomen vpgroeyen

 

ouerdynckende wie hem tdien vpziene moeyen

 

ten zullen ongheloont blyfuen niet die manieren

 

Laet charitate gloeyen // ende in dyn openbaeren

15

Helpt neerstich desen boghaerdt der Ionghe scholieren

 

Zoorgfuldich bewaeren