Eduard de Dene. Testament rhetoricael
(1976-1980)–Eduard de Dene–
Auteursrechtelijk beschermdRefereyn
O Lief brudegom der christenheyt Reynbeildich vpslach
zonder wien de bruudt christi niet doen en mach
myn god zalichmaecker Iesu christe Alleene
ten berghe van syon contemplere nacht dach
25[regelnummer]
ouerdynckende dyn groote beloften Reene
zonderlynghe ghy myn god zyt / en ander gheene
een Conynck een ghenaeden troon / verlosser bekendt
een groot vierich liefhebber vry niet Cleene
Onse voorspraecke voor god den vadre omtrent /
Ga naar margenoot+ ons verwinder ieghens tloos adamitich serpent
een zuene der gherechticheyt tonswaerts bleuen
die my zult byblyfuen tot tsweerelts hendt
ende ghy die my zult een nieu herte gheuen
5[regelnummer]
In tbouck tsleuens ghescreuen // zoo tughen propheten
Die beloften / lief / zal ick nemmermeer vergheten
Ghy gods vvysheyt / en deeuwich woord des vaders voorwaer
Een erfghename ouer Alle dynck openbaer
ons Rendzoen ofte losghelt hoogst zynde ghepresen
10[regelnummer]
tsweerelts licht / end ons verRysenesse daer naer
een conynck der glorien Ten hemel gheresen
dat ghy claerlick noch belooft hebt bouen desen
dat ghy my mynen god en beschermer zult zyn
my gheen weese laeten / maer daer ghy zult wesen
15[regelnummer]
een woonstadt bereeden huut veel drucx en ghepyn
end alle die tot hu Roupt vp eenich termyn
dat ghy die zult verhooren met bermhertichede
ende traentkens ofdrooghen van huerlieder aenschyn
ons duer ghenaede / verworfuen dhemelssche stede
20[regelnummer]
tzyn hu erfghename mede // hu zoo ghequeten
Die beloften lief / zal ick nemmermeer vergheten
Dat ghy hebt belooft / en claerlick toegheseyt my
als een zuene des mensschen ghecommen gheel vry
om zalich maecken dat verloren was / ende niet
25[regelnummer]
om der mensschen zielen verdommen / maer dat ghy
ghecommen zyt / om te behoudene huut verdriet
die ghetrauwe zyt / in al tghuendt dies hebt belooft ziet
die tzondaers doodt en begheert te gheenen stonden
| |
[pagina 147]
| |
30[regelnummer]
en zy leuendich voor huwen ooghen bevonden
ghy die alleene vergheeft al alsulcke zonden
als yeglick zondaere zou mueghen hebben mesdaen
duer huwen name ende diepbloedighe wonden
Ga naar margenoot+ en wie tot hu comt / zult hem In ghenaeden ontfaen
den wech voorgheghaen // die my oock zult leeren Weten
Die beloften lief / zal ick nemmermeer vergheten
Prinche
5[regelnummer]
Christe Lief in dyn laetst avendmael hebt ghebroken
de stranghe wet / en veel nieu beloften ontloken
huwe liefue disciplen / end ons allen tdier tydt
voorwaer / voorwaer / hebt ghy zelue alsdoe ghesproken
ten zy dat ghy zult eten Tvleesch ghebenedydt
10[regelnummer]
vanden zuene des mensschen / ende zonder Respyt
zyn bloedt drynct / in hu hebben zult gheen leuen crachtich
maer die myn vleesch eit / en myn bloedt drynct / wordt verblydt
ende zal inder eeuvvicheyt leuen eendrachtich
hem verwecken / inden laetsten dach warachtich
15[regelnummer]
vvant myn vleesch es warachtich spyse / en myn bloedt
vvarachtich dranck / dit zyn Christus woorden almachtich
die al dat hy wil in hemel inder eerden doet
dies bouen veel beloften zoet // Troostbaer secreten
Die beloften lief Zal ick nemmermeer vergheten
|
|