Logo DBNL
Eduard de Dene. Testament rhetoricael (1976-1980)

Eduard de Dene. Testament rhetoricael

(1976-1980)–Eduard de Dene–rechtenstatus Auteursrechtelijk beschermd

Vorige Volgende

+ Refereyn

 
Comt Alle tsheeren tafel van Christo de ghenoode
 
daer eten vanden Broode
 
en dryncken huut des heeren keilct ghebenedydt
5
Comt vroylick die mids zonden eens waert de ghedoodde
 
nv leuendich ghemaect inden bequamen tydt
 
christus heeft ons den wech gheel ghemaect bevrydt
 
Comt alle wie ghy zyt
 
ende wilt naer tsheeren tafel Recht nemen den ghanck
10
hy es een milde gheuer Ouer al de weerelt wydt
 
Comt paeyslick zonder nydt
 
hoedanich ghepersoont Crepel Blende dooue manck
 
den hemel es zyn stoel de eerde zyn voetbanck
 
Comt alle mensschen Cranck
15
tesser al by hem vuldaen / Zyn dood ghaf ons tleuen
 
Comt Reynhertich tzynder tafel dryncken nieuwen dranck
 
die hy mildelick schanck
 
eer hy hem inder doodt wilde ouergheuen
 
den Cyrograph gheschuert ieghens ons ghescreuen
20
machtich ouer hemel eerde iesus christus ghenaemt
 
hoogster dominatie
 
Schict hu alle tsheeren tafel in liefden verzaemt
 
duer tshelichs gheest gratie
 
 
 
Wie durst Roupt christus zelue Comme tot my
25
en dryncke vranck en vry
 
Comt alle die belaeden zyt mescomt hu yet /
 
Ick bem tbrood des leuens hu gheel blyfuende by
 
wie tot my comt / zal gheenssins hongheren Niet
 
vvie in my ghelooft / zal nemmermeer dursten ziet
30
hu themwaerts biedt
 
zyn vleesch es die vpRechte spyse zoet
 
wandelt vroom naer Ierusalem / huut babylon vliedt
 
daer boosheyt gheschiet
 
Comt Comt / Want vpRechten dranck / es zyn bloedt
35
wie myn vleesch eit en myn bloedt drynct sprac christus goet
 
word eeuwelick ghevoedt
 
ende die blyft in my / end ick in hem warachtich
 
+ Comt dies tsheeren tafel vastgheloouende ghemoet
 
tcleedt van liefden Andoet
 
verzelschipt met hope en ghelooue eendrachtich
 
zynder hoogher verdiensten word ghy mede deelachtich
5
valt oetmoedich tzynder voeten / hem huwer zonden schaemt
 
Ryst huut desperatie
 
Schict hu alle tsheeren tafel in liefden verzaemt
 
duer tshelichs gheest gratie
 
 
 
Een man een man hebben gheRoupen de propheten
10
doet schriftuere weten
 
en die heeft ghedreghen onser zonden lasten zwaer
 
dats christus te zyn vaders Rechterhandt ghezeten
 
eerst gheoffert voor ons zonden inder crucen outaer
 
duer hem hebben wy den Rechten toeghanck openbaer
15
beede in eenen gheest claer
 
totten vadre god almachtich / dies wy vryheyt ontfaen
 
vvant hy es duer zyn eeghin bloedt voorwaer
 
zonder ghespaer
 
eens in dat helich helighe ingheghaen
20
end* heeft een eeuweghe verlossynghe ghedaen
 
Laets dies belyden zaen
 
tot ghedachtenesse zyns hooghe testaments memorie
 
eer wy tzynder tafel commen om zitten of staen
 
doen dancbarich vermaen
25
god zy ghelooft die ons heeft ghegheuen victorie
 
duer Iesum christum / om mede bezitten zyn glorie
 
als zyn meErfghenaemen Zoot heeft betaemt
 
dies kersten generatie
 
Schict hu alle tsheeren tafel in liefden verzaemt
30
duer tshelichs gheest gratie
 
 
 
Laets princhelick hem louen met dancbareghe stemmen
 
ons van zonden stremmen
 
lof eere danck hem eeuvvich knyebughelick pleghen
 
Comt en laet ons totten berch des heeren vpclemmen
35
totten huse gods / end hy zal ons leeren zyn weghen
 
+ dat vvy in zyn toepaden zyn te wandlen gheneghen
 
Liefue broeders bedeghen
 
die totten Inghanck / in dat helighe des hemelssche stede
 
duer zyn dierbaer bloedt hebben vryheyt vercreghen
5
onsen doodvyandt versleghen
 
ons god den vadre verzoent / en ghemaect onse vrede
 
die ons ghetrocken heeft / huter macht der duusterhede
 
end heeft onslieden mede
 
in dat Rycke zyns liefue zuens ouerghestelt
10
duer den welcken god de vader ons verlossynghe dede
 
en met liefmoedegher zede
 
onse zonden vergheuen / en zyn mebroeders ghetelt
 
vvie hu dan totten babylonschen vleeschpot quelt
 
dat ghy voedsel vander godloosen broodt daer naemt
15
vliedt die telcker spatie
 
Schict hu tsheeren tafel in liefden verzaemt
 
duer tshelichs gheest gratie

Vorige Volgende