Eduard de Dene. Testament rhetoricael

Lof Vanden helighen
Sacramente

Lof broodt der inghelen / lof hemelssche spyse // vry
lof helias coucxken van hoogher name // zoet
lof hu wien eeuwich lof ToeRyse // by
Lof zoeter dan huenich / hooghst van pryse // ghy
Lof onslieden ghegheuen ter zielen vrame // goet
Lof zuene des moeders maria Eersame // vroedt
Lof vleesch lof bloedt / niet schynende dan brood // ziet
Lof wonderlick wondre / noyndt wondre zo groot // Niet

Lof die byder Aerck gheCompareirt // zyt
Lof die zelue dit wondre / Eerst maeckende // maecte
lof die van allen priesters gheconsacreirt // zyt
Lof die onghemindert ende onghemineirt // zyt
die in ons ooghen oyndt wonderlick daeckende // daecte
wiens troostbaer gratie ons Annaeckende // naecte
Lof die hem zeluen te nuttene gheboodt // ziet
Lof wonderlick wondre / noyndt wondre zo groot // niet

Lof hu wien tmanna es figuere // ghelyckelick
Lof die zyt des leuende waters fonteyne // Claer
Lof voedsel die voedt de ziele puere // Ryckelick
Lof die ontfynght mensschelicke natuere // blyckelick

[p. 182]

 

Lof god lof^* menssche / dats vry niet cleyne^** // daer

 

Lof zuuer Reynicheyt / noyndt nyemandt zo Reyne // naer

 

Lof die ons thuwer tafel mildelick noodt // ziet

 

Lof wonderlick wondre / noyndt wondre zo groot // Niet

 

 

30

Lof Prinche

 

 

 

Der hemelen Prinche der eerden // machtich

 

Lof prinche die Conynclicke princhen Regiert // nv

 

⁺Lof prinche / die prinslick camp wildet anveerden / crachtich

 

Lof machtich prinche die wy zyn van weerden // Achtich

 

Lof prinche wiens prinslicheyt dhemel verchiert // nv

 

Lof prinche duer wien de kercke feestiert // nv

5

Lof die der mensschen herten openbaer bloodt // ziet

 

Lof wonderlick wondre / noyndt wondre zo groot // Niet

* ‘lof’: ‘l’ verbeterd uit ‘g’.

** ‘cleyne’ verbeterd uit ‘cleene’.

+ 93 v