Eduard de Dene. Testament rhetoricael

Lof van maria⁺

Maria hu louelicxste lof ende weerde
huwe vryheyt eeuvvich zeker verzekert zy
die en mach vullouen hemel noch Eerde
⁺ Achlacen / wat lof mach dan commen huut my
want zoo heeft hem god vernedert in dy
Ia in dyn wysoetmoedich Reyn lichaeme claer
dat hy ziet zonder menssche / gheen god en zy
noch oock menssche warachtich zonder god voorwaer
oock zo en es de godheyt / dats wel openbaer
de mensscheyt voorwaer niet Te gheenen zinne
noch de menscheyt / en es oock / verre noch naer
die eeuweghe godheyt niet / hoement beghinne /
duer dit hoogh wondre Maria vriendinne
schoonlouelicxst thuwaerts ter causen van desen
zegghen wy dancbaerich Reyn thuwen ghewinne
Lof maria Als iahel wyscrachtich ghepresen

Want Iahel / Es god verwachtende gheseyt
maria / die heeft god den heere verwacht
in viereghe ghedochten der oetmoedicheyt
welck leuen zou leedde / bouen menschlicke cracht
doe gabryel als bode der goddelicker macht
tot huer quam / maria was gheel verheuen
buten haer zeluen vougsamelick gheschacht
in tghemeenschap des goddelicheyts beseuen
vvant zou vervult was / end es alsnoch ghebleuen
der zoeter goddelicker Liefzaemichede
willende huer zeluen dienstmaegdelic gheuen
in die goddelicke wille / Bequaemste zede
tes zoo ghebleken / Als zou tspreken dede
naer hu woordt / moet my gheschiedende wesen
dies wy hu bieden Alle gheslachten mede
Lof Maria Als iahel wyscrachtich ghepresen

Mynen gheest (wilde zou goetIonstelic spreken)
in god mynen zaelichmaeckere verblydt
huer schynckende vulmaectelick onbezweken
in gods vreese Reynvoorzienelick talder tydt

+ 1544 Typre

+ 98 v

[p. 192]

 

en offerde huer den heere Ghebenedydt

35

tot alder dancbaericheyt wel bequame

 

dies by iahel wel gheleken Ter weerelt wyt

 

want als god verwachtende Es iahels name

 

maria die steld huer verwachtich eersame

 

vast gheloouich cloucmoedich ten dienste des heeren

 

⁺ in hem zo vele vyndende zoot betame

 

gheen tydelicheyt mochter huer Afkeeren

 

voorspoet / mocht gheen verheffen in huer vermeeren

 

vvant hoe beghift / Es niet hooghmoedich gheResen

5

die waert bewacht voor ieghenspoedich verzeeren

 

Lof maria Als Iahel wysCrachtich ghepresen

 

 

 

Maria. Als Iahel wyscrachtich Bekent

 

den vyandt te cranckene wilde huer stellen

 

vp dat hy gods volck niet zou commen omtrent

10

zoo sisara den velthooftman dat wilde quellen

 

Sisara mach gheseyt zyn in ons vertellen

 

een huutsluter van ghenouchten / die quellynghe biedt

 

hy de welcke die als vyandt vander hellen

 

es by hulpe van maria Onderworpen ziet

15

Alsoo dat Sisara kreegh by iahel verdriet

 

die hem onder huere voeten gheleydt heeft zaen

 

een goeden strydt maria es by hu gheschiet

 

zoo iahel den gods volcke clouck heeft ghedaen

 

Te Rechte mueght dies eeuwich wel lof ontfaen

20

die dhuutsluter der ghenouchten / dus hebt verknesen

 

dies segghick thuwer eeren moeder maegdelick graen

 

Lof maria Als iahel Wyscrachtich ghepresen

 

 

 

Lof die gratie hebt byden heere ghevonden

 

ghy voortbrocht ons tleuen / wy die waeren doodt

25

onder tsvyands gorreel By cause van zonden

 

als Iahel hebt verlost ons nv huuter Noodt

 

vvant van hu voorseyt was / zoot dheere ghebood

 

dat inne die handen van eender vrauwe

 

Sisara zou gheleuert zyn / hoe sterck of groot

30

onder wien gods volck was in grooten Rauwe

 

Iahel wierd ghebenedydt / in deerdsche Landauwe

 

naer tverlossen des volcx huuter ieghenspoet

 

tsghelycx men hu maria / met Rechter trauwe

 

Bouen alle vrauwen ghebenedyden moet

35

want duer iesum / vrucht van dyn maegdelick bloedt

 

zyn wy tsaemen verlost / alsoo wy claer lesen

 

dies zegghen wy te Rechte met Aue ghegroet

 

Lof maria Als Iahel wyscrachtich ghepresen /

 

 

+ 99 r

[p. 193]

 

⁺ Die eere van iherusalem zyt ghy Certeyn

 

oock die blydschap van israel ende vruecht

 

die heerlicheyt ons volcx int eerdsche pleyn

 

vvant mannelick ghedaen hebt by huwer duecht

5

hu herte ghesterct es / By goddelicker Iuecht

 

als Iahel ghy thuwen besten goetdynckene

 

vp datter wy al mochten by worden verhueght

 

ghaeft iesum een flassche melcx te drijnckene

 

dyn borstkens pynden hem voedsels te schynckene

10

twelck zoch hu wel was huuten hemel verleent

 

als hu zuens Ioncxste cracht / beghonste te blynckene

 

Sisara tsvolcx vyandt die wiertter by vercleent

 

vpder eerden es niet zulck een vrauwe neent

 

dan ghy maria ontbyndende dhelssche pesen

15

dies zegh ick noch schoonlouelicxst zoo therte meent

 

Lof maria Als Iahel wyscrachtich ghepresen

 

 

 

Princhesselicke

 

 

 

Iahel gods moeder marie

 

huut dheyrCracht van sisara hielpt ons ghenesen

20

dies zegh ick hu noch gheboghender knie

 

Lof maria Als Iahel wyscrachtich ghepresen

+ 99 v