Eduard de Dene. Testament rhetoricael

[p. 262]

Aucteur

Vaders moeders hu zeluen quyt
doet als de vroede
met kynder Proffyt
dyn kyndren Castydt
Dats metter Roede
zoo qua pertten weeren
vry totten bloede
Ten zal niet deeren

Den tydt Ieghenwoordich / duer alle quaet
in tshuwelicx staet
heeft qualick gheweint / donnoosel zyn kyndt
naer Reden te hoorene / end hueren Raedt
hebben zy versmaet
Tkyndt vpgroeyende / dies talder boosheyt hem pyndt
iusticie hem dan in zynen fluer vyndt
en mids datter Recht en Redene om zende
ghehanghen te drooghene word inden Wyndt
zulck werck zulck loon Quaet leuen zulck hende