Eduard de Dene. Testament rhetoricael

Myn .3.^* Dochteren

Myne dochtren ghecommen eensdeels thueren Iaeren
en const ick noyndt veel eerdsch schat vergaeren
beveel hemlieden / dies spa ende vrough
datse god beminnen / end huer eere bewaeren
zo hebben zy schat ende goeds ghenough

Van hemlieden drie / een / ofte twee
als ick zal (hopick) zyn inder gods ghelee
zullen huerlieder moeder bystaende blyfuen
maer beveel hemlieden / By goeden beschee
datser emmers achter niet en leeren kyfuen

⁺ Ofte zynser inne te hooghe gheleert
daeghelicx zynde / By huer ghezeten
doch datter elck zynen zin Afkeert
en datse die Lessen / eer zy worden vermeert
Met myn Doodt // Beede tsaemen vergheten

* ‘.4.’ doorgehaald; ‘.3.’ bovengeschreven.

+ 143 r