Eduard de Dene. Testament rhetoricael

[p. 269]

Myn ghebuerkens

Myn liefue ghebuerkens zoot best betame
inde straete daer ick wuenstich hebbe ghelogiert
Laet ick die achter / Een goede name
een minsame vriendhoudeghe fame
zo eist dan / van my wel ghedrapiert
Och inden hoop / had icker een voochdesse
die voor my zoorgde spae ende vrouch
of ick alle daeghe ghynck hooren messe
Wanneer / ofte niet zou zoorghe drough
ze was zo ghenoughelick alsse Louch
Zou wachte myn huus met allen nauwe
wiens tonghe ghenaecte gheen Copghespin
tvvas zo neerstich een veynster iiffrauvve
tsnuchtens tylick / tsnavents spa / zonder ghewin
drougse zoorghe / wie tmynent ghijnck huut end in
Voor datse dus wel heeft de waecke ghehouden
icxse veel meer dan al dandere pryse
end om dats eens myn wyf me hielp faelievouden
gheef Icxse met dancbareghen bewyse
Vrau al beschicx voor een devyse