Eduard de Dene. Testament rhetoricael

⁺ Clynckynghe
Andries de^* wilde
.4. Septembre xv.^C Liiij /

ALzoot de doodt. Costumelick doen wilde
By cause van zonden huer macht ghegheuen
nv van tleuen berooft heeft Andries de wilde
ten vlamyncdamme wuenende / zynde int leuen
ghezworen clerck met dandre ten vryen beseuen
ende inghescreuen
Sint iooris ghildebroeder der oude boghe daer
oock diseynier voorwaer
en tsghezelschaps tshelichs gheest mebroeder bleuen
wylent proost van dien dertienen bekent openbaer
der drie zanttinnen ghildebroeder oock menich Iaer
met een bystandelick verghaer
tsint gillis zalmen tlichaeme gheuen zyn eerde
ter hooghmestydt begrauen / god gheue der naer
dat Abrahams schoot zynder ziele Anveerde
goet paeyselick hanthieren hy noode ontbeerde
ghildebroeder tsint eeuwout wild oock tzyne verweruen
Corts wordende als woormen aes de verteerde
bereed dyn huus mensschen / hoe hooghe Eerweerde
Al dat Leuen ontfaen heeft / dat moet eens steruen

+ 154 r

* Oorspronkelijk ‘va’; ‘d’ er doorheen geschreven.