Eduard de Dene. Testament rhetoricael

[p. 43]

Refereyn
CORt. Nu. En LIStich BREYDELt hu.

Zaelich / es die man die becuerynghe verdraeght⁺
want als hy zal wesen gheprouft onversaeght /
⁺ des leuens croone zal hy ontfanghen voorwaer
hier omme / doodt hu leden / zoot den heere behaeght
die vp der eerden zyn vul onCuusscheyt zwaer
schuut / onReynicheyts Lusten / qua begheerten daer naer
wandelt naer den gheest clouckgheloouich vailiant
ende die begheerlicheyt des vleeschs / dats claer
die en zult ghy alsdan niet vulbrynghen / want
het vleesch begheert ieghens den gheest in elck landt
en de wysheyt des vleeschs / dat es de doodt
wilt worden / niet als beesten dies zonder verstandt
maer bewaert hu zeluen Reyn / ieghens tsvleeschs wederstoot
waect / vp dat ghy valt in gheen temptacien groot
vvant eist dat ghy naer tvleesch leift / zo zult ghy steruen
neimt tquade huut hu zeluen wech / zoot word noodt
die in tvleesch zyn / zullen gods Rycke niet verweruen
vliedt al oncuussche zeden / in tsweerelts erfuen
Alle zonde / de welcke (hoe buten betame)
die den menssche dood / Tot een anders bederuen
es buten tlichame / maer die oncuusheyts blame
doet // die zondicht in zyn eeghin Lichame
werct en staet dies int ghelooue / naer paulus heesch
wie inden vleessche zyn / zyn god niet anghename
Dies Cort nv en listich Breydelt hu ieghens Tvleesch

EerdeRycke zal met verquistende Rauwynghe⁺
verquist worden Ancxstelick met verflauwynghe
ende met beRoouynghe / Berooft wesen
inder weerelt / zult ghy hebben benauwynghe⁺
wilt worden niet / ghelyck deser weerelt mids desen⁺
vvant vriendschap deser weerelt / die es mespresen⁺
als vyandschap voor god den heere almachtich
en wie vriendt deser weerelt wil zyn gheResen
wordt ghestelt te wesene gods vyandt tweedrachtich
Wilt de weerelt niet beminnen noch wesen achtich⁺
oock al tghuene dat inne der weerelt es / ziet
eist dat yemandt Lief heeft / de weerelt / warachtich
de liefde god des vaders / en es in hem niet /

+ iacobi 4

+ 172 v

+ Esai 24

+ iohan 16

+ Roma .12

+ iacobi .4

+ 1 Iohan 2

[p. 44]

 

⁺ Want al dat in de weerelt es / ende gheschiet⁺

 

es Begheerlicheyt des vleeschs / en der ooghen mede

 

hooghmoedicheyt des leuens / dwelck niet / en es yet

 

huut den vadere / maer hute des weerelts zede

5

de weerelt verghaet / end huer begheerlichede

 

Maer die de wille gods doet / blyft eeuwich ghemoet

 

staet vp ende ghaet / hier es Ruste noch vrede

 

Wyct naer gheen ydelheyt / die gheen baete doet⁺

 

maer ghaet duer den wech / der voorzienicheyt goet⁺

10

ommeghord hu met wysheyt / niet eerdsch bepeerelt

 

al de weerelt es in tquaede ghestelt onvroedt

 

Dies Cort en Listich Breydelt hu ieghens de Weerelt.

 

 

 

Laet houeerdicheyt Regieren niet huwen zin

 

houeerdicheyt es van allen zonden tbeghin

15

haet en nydt / zullen wesen verghanghelick zaen

 

vergheeft / en vergheuynghe wordt hu ghewin

 

haet dat quaet es / en Bemindt alle goet vermaen

 

Laet de zonne vp hu gramschap niet onderghaen

 

want eennen man die gram es / tvvist ontsteict hy

20

wilt den slaep niet beminnen / maer waeckende staen⁺

 

wie Ledich es / Aermoe staet hem altoos by

 

en werct niet / vp datter hu Rycdom huut zy

 

Begheerlicheyt / es wortele van allen quaeden

 

vergadert huwe schatten inden hemele vry

25

ghulsicheyt en droncke dryncken wilt oock versmaeden

 

Laet hu cleedren altoos wit zyn in zuverheyts daeden

 

Laet hu herte onbesmet zyn / staet den vyandt tseghen

 

vvant dheere god Rechtueerdich / oock vul der ghenaeden

 

zal huwe beschaemtheyt openbaeren en weghen

30

die der weerelt ghehoorzaem niet zyn bedeghen⁺

 

maer onRechticheyt gheloouen tot allen tyden

 

dien zal gramschap ouercommen thuerlieder onzeghen

 

ende Tribulatie zonder vermyden

 

Ouer alle zielen der mensschen dan Lyden

 

⁺⁺ die quaet doen / En dheere zalder ouer tdien stonde

 

vier en sulpher laeten Reynen / An allen zyden

 

Dies Cort en listich Breydelt hu ieghens de zonde

 

 

 

Prinche

 

 

5

Wy steruen Alle gader hoe hooghe van weerden⁺

 

end als water vallen wy inne der Eerden

 

twelcke dat niet weder en comt noch en keert

 

wel leuen doet wel steruen die hem zoo gheneerden

 

maer der zondaeren doodt / es de quaetste vermeert /

+ 173 r

+ .1. Iohan 2.

+ Miche /.2

+ .1. Regum 2.

+ prouerbi 20 21

+ Roma 20

+ 173 v

+ Fol. 173 v, r. 10-12, 14: eigennamen onderstreept.

+ .2. Regum. 14

[p. 45]

10

Caym wierd van Lamech versleghen ontEert

 

ende Abel zynen broeder es ghestoruen wel

 

de Ionghe thobias in gods vreese gheleert

 

esser wel in ghestoruen vastbetrauwende snel

 

Pharao versmoorde met zyn heyrcracht Rebel

15

wiens herte gheel verhart was / Tzynder onbaeten

 

Chore / dathan / en Abyron / die leden ghequel

 

verzoncken inder hellen / duer de eerdsche straeten

 

de menssche weet zyn hende niet / tzy van wat staeten

 

Als een schaeuwe vp der eerden / zoo es ons leuen

20

daer en es gheen vphouden / tpasseert zonder verlaeten

 

want den byl / es ande wortel des booms vpgheheuen

 

hier omme waect ende zyt bereedt ghebleuen

 

want ghy de huere niet en weit Certeyn

 

dat de zuene des mensschen / onvoorzien beseuen

25

commen zal / en vonnessen gheel tsweerelts pleyn

 

sterft eer ghy sterft / en maect hu met duechden Reyn

 

bezitten mueght ghy Abrahams Rusteghen schoot

 

Vleesch. Weerelt. Zonde. / houden ieghens hu ghemeyn

 

Dies Cort en Listich Breydelt hu ieghens De doodt.