Eduard de Dene. Testament rhetoricael

TDander Raedsel.

De moedre Es in tvelt / en de zuene inde steden
de zuene es sterck / de moeder vul Crancheden
als zou bevrucht es / zou heeft tdraghen zo groot
datse stock in dhandt te angrypene heeft noodt
inde zomer ghecleed / maer inde wynter gheel naect
de moedre wast / maer de zuene Laect
de moeder es int Rume / en de zuene Light besloten
hy crachtich zynde / duer hem zyn oorloghen ghesproten
men trect hem van zyn moer / hem byndende ghePynd
maer dicwils duer zyn cracht / hem alleene ontbynd
groot gheworden zynde / es hy gracelick behoedich
maer corts daer naer es hij sterck grammoedich
Ia zo sterck dat hy eerdeRycke Leuende
hem onderdaenich maect / oorspronck van quade gheuende
zo zaen hij int waeter comt veraerghert hy
bleeckvaerwich / ende wortter oock gheel flau by
ziet daer hoe te bouen ghaet / een vrauwe ghenaemt
de ghuene die veel verwaende maecken beschaemt

Ned dreagnyW ne^* .nyW.

* ‘ne’: ‘n’ over andere letter (e?).