Eduard de Dene. Testament rhetoricael
(1976-1980)–Eduard de Dene–
Auteursrechtelijk beschermdGa naar margenoot+ Refereyninde liefde wandelt / ghelyck christus / langhen tydt
ons oock lief ghehadt heeft // end hem ouerghegheuen
5[regelnummer]
voor onslieden / Tot een ghifte / der weerelt wydt
en offrande / god in een goe Roke ghebleuen
voort oncuusscheyt OnReynicheyt / en ghierich Leuen
Alst den helighen betaemt / onder hu en zy niet
Leelicheyt / zotteclap noch bouverye bedreuen
10[regelnummer]
die niet betaemen / maer Liefuer dancbaricheyt biedt
Want weit / dat alle oncuussche / OnReyne ziet
noch ghiereghe // welck es dienst der afgoden quaet
in christus en gods Rycke / gheen erfue gheschiet
dus met ydel woorden / nyemandt bedrieghen hu laet
15[regelnummer]
dat gods gramschap / vp hu niet als wantrauweghe slaet
vvilt hu haerder dies deelachtich niet bezwaeren
ghy voortyds doncker / nv als Licht inden heere staet
Zaelich zyn die hooren twoord gods / en dat bewaeren
In dien tyden / doe Iesus veel mensschen ghenas
20[regelnummer]
hy eennen stommen vyandt huutworpende wasGa naar margenoot+Ga naar voetnoot**
end als hy huutgheworpen was naer tbetamen
zo heeft de stomme ghesproken vp tzelue pas
| |
[pagina 75]
| |
dies de schaeren tsvolcx hebben verwondert al tsamen
in Beelzebub prinche der vyanden namen
25[regelnummer]
huutworpt hy vyanden / zeyden zy zom tweedrachtich
en andre die iesum tempterende Anquamen
begheerden een teecken vanden hemel warachtich
maer kennende huer ghepeynsen / zey / al dyngh machtich
Alle Rycke ghedeelt ieghens hem zeluen / zal
30[regelnummer]
verghaen / en tdeen huus vallen vp tdander onCrachtich
Es den vyandt dan ghedeelt / ieghens hem zeluen Al
hoe mach zyn Rycke blyfuen staende dan / zonder val?
vvant ghy zeght dat ick vyanden nv zonder spaeren
huutworpe duer beelzebub / hoort int eerdsche dal
35[regelnummer]
Zaelich zyn die hooren tvvoord gods. / En dat bewaeren /
Ga naar margenoot+ Worp ick vyanden duer Beelzebub huut / ouerluudtGa naar margenoot+Ga naar voetnoot*
zey iesus / in wien werpense hu kynderen huut
daer omme zullen zy huwe Rechteren wesen
en huutworp icxse / duer gods vynghers cracht en virtuut
5[regelnummer]
zo es in hu ghecommen gods Rycke ghepresen
Als een sterck ghewapent wacht zyn voorhuus mids desen
al de dynghen die hy bezit / zyn dan in vreden
maer es daer een ouercommende gheResen
stercker dan hy es / en verwint zyn Clouckheden
10[regelnummer]
al zyn wapenen ontneimt hy hem dan tdier steden
inde welcke hy hem was Betrauvvende vry
en deelt zyne Roouen / naer zyn beste zeden
tzynder wille / voort zey iesus den volcke by
die met my niet en es / die es ieghens my
15[regelnummer]
en die met my niet verghaert // in dhemelsche schaeren
die verstroyt / dus hoortter wel naer mensschen ghy
Zalich zyn die hooren twoord gods / en dat bewaeren
Prinche
20[regelnummer]
huutgheghaen es / zo wandelt hy int ghemeene
duer plaetsen zonder watre / Ruste zouckende zaen
niet vyndende / ick zal zeght hy groot of Cleene
wederkeeren in myn huus / daer ick bem huut gheghaen
als hy comt / met besems vyndt hyt verchiert Reyn ghedaen
25[regelnummer]
dan zo ghaet hy ende neimt met hem daer naer
zeuen ander gheesten / quaeder dan hy dan ghestaen
ende ingheghaen vvesende Wuenen zy daer
| |
[pagina 76]
| |
dies het laetste dan / van dien menssche voorwaer
wordt aerghere dan dat eerste bedeghen
30[regelnummer]
Nu es gheschiet / doe iesus dese woorden sprack claer
Een vrauwe vpheffende huer voysGa naar voetnoot*** onverzweghen
zeyd hem / Zaelich es dien buuck / die hu heeft ghedreghen
en borsten die ghezoghen hebt / ghy (in hu iaeren)
het es alsoo zey iesus / dus tallen weghen
35[regelnummer]
Zaelich zyn die hooren twoord gods / en dat bewaeren
|
|